اراب ەلدەرى ليگاسى يزرايلدىڭ ارەكەتىن قاتاڭ ايىپتادى

استانا. قازاقپارات- اراب ەلدەرى ليگاسى يزرايلدىڭ ارەكەتىن قاتاڭ ايىپتادى. باس حاتشىنىڭ كومەكشىسى حوسسام زاكي ليۆانداعى جاعداي، ايماقتىق سوعىسقا اينالىپ كەتۋى مۇمكىن دەپ ەسكەرتتى.

سونداي-اق ليۆاننىڭ تۇراقتى وكىلى ءالي حاسان ءال-حالابي دە ءسوز الىپ: «ەلگە جاسالعان شابۋىلدىڭ، وزگە اراب مەملەكەتتەرىنە قاۋىپ تۋدىرمايتىنىنا ەشكىم كەپىلدىك بەرمەيدى»، - دەدى.

ءالي حاسان ءال-حالابي، اراب ەلدەرى ليگاسىنداعى ليۆاننىڭ تۇراقتى وكىلى:

- يزرايلدىڭ قاتىگەز ۇستانىمىنان، 2 مىڭنان استام بەيبىت تۇرعىن قازا تاپتى. 1 ميلليون 200 مىڭ ادام ءوز ەلىنەن كەتۋگە ءماجبۇر بولدى. باس اماندىعى ءۇشىن، شەكارا اسىپ وزگە ەلگە كەتكەندەرى كەتىپ جاتىر. ال ءۇيسىز كۇيسىز دالادا بالا-شاعاسىمەن قالعاندار قايتەدى؟! يزرايلدىڭ بۇل ارەكەتى ادامي ازعىندىق. سوعىستىڭ دا ءوز ەرەجەسى ءتارتىبى بولادى.

بۇل رەتتە يزرايلدىڭ قىلمىستىق ارەكەتى بارعان سايىن ۇدەپ بارادى.

ليۆاننىڭ وڭتۇستىگىندە ورنالاسقان بىرىككەن ۇلتتار ۇيىمىنىڭ بىتىمگەرلەرى قىزمەتىن جالعاستىرادى. بۇعان دەيىن يزرايل ولاردىڭ كەتۋىن وتىنگەن بولاتىن.

ءبىراق بىتىمگەرلەر كۇشتەرىنىڭ باسشىسى جان پەر لاكرۋا: «ءبىز مىندەتىمىزدى ورىنداماي قايتپايمىز»، - دەدى. بىتىمگەرلەردىڭ نەگىزگى ميسسياسى - ەكى ەلمەن بايلانىستا بولۋ، بەيبىت تۇرعىنداردى قورعاۋ، گۋمانيتارلىق كومەكتىڭ قاۋىپسىز جەتكىزىلۋىن قاداعالاۋ. قازىر ليۆان مەن يزرايل اراسىنداعى شەكارادا 50 ەلدەن كەلگەن 10 مىڭنان استام اسكەر، 800-گە جۋىق مامان قىزمەتىن وتەپ جاتىر.

24.kz