اراب كوورديناتسيالىق توبى قازاقستانعا ينۆەستيتسيا سالادى
استانا. KAZINFORM - ۆەنادا وتكەن فورۋم اياسىندا قازاقستان رەسپۋبليكاسى ۇلتتىق ەكونوميكا مينيسترلىگى مەن OPEC حالىقارالىق دامۋ قورى اراسىندا سەرىكتەستىك تۋرالى نەگىزدەمەلىك مەموراندۋمعا قول قويىلدى.
قور ءارتۇرلى ەكونوميكالىق سالالاردا تۇراقتى دامۋ جانە جەكە سەكتور جوبالارىنا ينۆەستيتسيا سالۋدى جوسپارلاپ وتىر.
جالپى، اراب كوورديناتسيالىق توبىنىڭ قورلارى ءىرى ينفراقۇرىلىم جانە ونەركاسىپ جوبالارىن جۇزەگە اسىرۋ ءۇشىن ينۆەستيتسيالار تارتادى.
«يسلام دامۋ ينستيتۋتتارىنىڭ قارجىلاندىرۋ شارتتارى حالىقارالىق كاپيتال نارىعىنداعى ەڭ باسەكەگە قابىلەتتى شارتتار سانالادى. سوندىقتان اراب كوورديناتسيالىق توبىمەن ۇزاق مەرزىمدى ينۆەستيتسيالىق ىنتىماقتاستىق - ءبىزدىڭ ينۆەستيتسيالىق ساياساتىمىزدىڭ باسىم باعىتى»، - دەپ اتاپ ءوتتى پرەمەر-ءمينيستردىڭ ورىنباسارى - ۇلتتىق ەكونوميكا ءمينيسترى نۇرلان بايبازاروۆ.
