پارا ازيا ويىندارىندا ەل قورجىنىنا ەكىنشى التىن مەدال ءتۇستى

قازاقستاندىق پاراپاۋەرليفتينگ شەبەرى داۆيد دەگتياريەۆ قىتايدىڭ حاڭجوۋ قالاسىندا ءوتىپ جاتقان ازيا پاراويىندارىنىڭ چەمپيونى اتاندى، دەپ حابارلايدى Kazinform.

قازاقستاندىق سپورتشى 54 كەلىگە دەيىنگى سالماقتا ۇزدىك ناتيجە (ءۇش ارەكەتتەن كەيىن 186 كەلى) كورسەتىپ، ازيا رەكوردىن ورناتتى.

قىتايلىق يان جينلان (185)، ۆەتنامدىق نگۋەن بين ان (184) ءۇشىنشى ورىننان كورىندى.

پارادزيۋدودان توكيو پاراليمپياداسىنىڭ كۇمىس جۇلدەگەرى، 31 جاستاعى اتىراۋ قالاسىنىڭ تۇلەگى ءانۋار ساريەۆ J2 ساناتى بويىنشا 60 كەلىگە دەيىنگى سالماقتا ۇزدىك ۇشتىككە ىلىكتى.

ءانۋار قولا جۇلدە ءۇشىن باسەكەدە لوندون پاراليمپياداسىنىڭ كۇمىس جۇلدەگەرى، قىتايلىق سيۋي چجاودان ايلاسىن اسىردى.

ءا. ساريەۆ بۇعان دەيىن 2018-جىلى دجاكارتاداعى ازيا پارا ويىندارىندا كوماندالىق باسەكەدە قولا جۇلدە العان ەدى.

پارادزيۋدودان باتىس قازاقستاندىق سپورتشى رۋستام مامبەتقۇلوۆ J-1 ساناتى (ەكى كوزى دە تولىق كورمەيتىن سپورتشىلار) بويىنشا 60 كەلىگە دەيىنگى سالماقتا العاشقى بەلدەسۋدە قىتايلىق چجۋ شيۆەندى قىلعىندىرۋ ادىسىمەن جەڭدى.

ەكىنشى اينالىمدا قىرعىز بەكسۇلتان ابدۋللاحيمۋۋلىن دا ۇتتى. يندونەزيالىق پالۋان دجۋننا ەديگە ەسە جىبەرىپ قويىپ، جۇبانىش بەلدەسۋدە وزبەك بالۋانى ديوربەك مايدونوۆتى كەۋدەدەن اسىرا لاقتىرىپ، قولا جۇلدە ءۇشىن تالاسۋعا مۇمكىندىك الدى.

ءۇشىنشى ورىنعا يەمەن ەلىنىڭ پالۋانى شۋگا سامي الي ناۆشانمەن بەلدەسىپ، ۇپاي سانىمەن ۇتىلىپ، جارىستى بەسىنشى ورىنمەن اياقتادى.

ەسكە سالا كەتەيىك، پاراسپورتشى اقمارال ناۋاتبەكتىڭ ازيادا چەمپيونى اتانعانىن جازعان بولاتىنبىز.