پارا سپورتشىلار پاريجگە اتتاندى
استانا. KAZINFORM - XVII جازعى پاراليمپياداعا قاتىساتىن سپورتشىلارىمىزدىڭ العاشقى لەگى پاريجگە اتتاندى.
بۇگىن ۆولەيبولدى وتىرىپ ويناۋ، پارا ۇستەل تەننيسى جانە پارا ءجۇزۋ قۇرامالارىنىڭ سپورتشىلارى فرانسياعا جول تارتتى.
«پاريج پاراليمپياداسىنا ۆولەيبولدى وتىرىپ ويناۋدان ۇلتتىق قۇراما 28 جىلدان كەيىن العاش رەت قاتىسپاق. ال پارا ۇستەل تەننيسىنەن قازاقستان قۇراماسى بيىل العاش رەت پاراليمپيادا جولداماسىن جەڭىپ الدى.
پارا ءجۇزۋ سپورتشىلارى اراسىندا لوندون-2012 پاراليمپيادا چەمپيونى ءزۇلفيا عابيدۋللينا، توكيو پاراليمپياداسىنىڭ قولا جۇلدەگەرى نۇرداۋلەت جۇماعالي جانە حالىقارالىق جارىستاردىڭ جۇلدەگەرلەرى سيازبەك داليەۆ پەن امير مۇراتبەكوۆ بار»، - دەپ جازدى تۋريزم جانە سپورت مينيسترلىگىنەن.
قازاقستان قۇراماسىنىڭ سپورتشىلارى پاريج پاراليمپياداسىنا سپورتتىڭ 9 تۇرىنەن 33 ليتسەنزيا جەڭىپ الدى. جارىس 28-تامىز بەن 8-قىركۇيەك ارالىعىندا وتەدى.
