21:10, 05 - ناۋرىز 2025 | GMT +5
پارا دزيۋدوشى اقمارال ناۋاتبەك ەرەكشە مارتەبەگە يە بولدى
استانا. KAZINFORM - پاريج-2024 XVII جازعى پاراليمپياداسىندا پارا دزيۋدودان چەمپيون اتانعان اقمارال ناۋاتبەككە ەرەكشە سپورتتىق مارتەبە بەرىلدى.
الداعى ءتورت جىلدا ول ەسىمى التىن تۇسپەن جازىلعان ارنايى كيمونو كيىپ كۇرەسەتىن بولادى. بۇل جاعىمدى جاڭالىقپەن سپورتشى ءوزى ءبولىسىپ، الەۋمەتتىك جەلىدەگى پاراقشاسىندا جاڭا كيمونوسىنىڭ سۋرەتىن جاريالادى.
ەسكە سالا كەتەيىك، اقمارال ناۋاتبەك پارا دزيۋدودان 48 كەلى سالماق دارەجەسىندە (J2 ساناتى) باق سىناپ، پاريجدەگى پاراليمپيادادا التىن مەدال جەڭىپ الدى. وسىلايشا، ول قازاقستان تاريحىندا پارا دزيۋدودان تۇڭعىش پاراليمپيادا چەمپيونى اتاندى.
