اۋرۋ نەگە تۇندە كۇشەيەدى؟

استانا. قازاقپارات - ادامداردىڭ كوبى كۇندىز اۋرۋدى جەڭىل وتكەرىپ، تۇندە ونىڭ كۇشەيەتىنىن بايقايدى. قىتاي عالىمدارى بۇل قۇبىلىستىڭ سەبەبى اعزانىڭ بيولوگيالىق ساعاتىمەن بايلانىستى ەكەنىن انىقتادى، دەپ حابارلايدى cas.cn.

زەرتتەۋ ناتيجەسىنە سايكەس، اۋىرسىنۋدىڭ تاۋلىكتىك وزگەرىسىن ميداعى ارنايى ايماق سۋپراحيازماتيكالىق يادرو باسقارادى. بۇل قۇرىلىم ۇيقى، گورموندار جانە جالپى اعزانىڭ تاۋلىكتىك ىرعاعىن رەتتەيدى.

عالىمدار تاجىريبە بارىسىندا وسى يادرو مەن جۇلىن اراسىنداعى نەيروندىق بايلانىستى زەرتتەگەن. ناتيجەسىندە اۋرۋ سيگنالدارىنىڭ قارقىندىلىعى ءدال وسى بيولوگيالىق ىرعاققا تاۋەلدى ەكەنى بەلگىلى بولدى.

ياعني كۇندىز اعزا بەلسەندى بولعان كەزدە اۋىرسىنۋ سەزىمى باسەڭدەيدى، تۇندە، ياعني تىنىشتىق كۇيىندە، اۋىرسىنۋ سيگنالدارى كۇشەيەدى. بۇل ميدى بەلسەندىلىگىنە بايلانىستى. دەمالىس كەزىندە اۋىرسىنۋعا جاۋاپ بەرەتىن جۇيە سەزىمتال بولا تۇسەدى.