ۋاقىت بەلدەۋى. الماتى جاڭا جۇمىس كەستەسىنە كوشە مە

الماتى. KAZINFORM - الماتى اكىمدىگى قالانىڭ جۇمىس كەستەسىنە قاتىستى ايتتى.

وسىدان ەكى كۇن بۇرىن ۇكىمەت وتىرىسىندا ساۋدا جانە ينتەگراتسيا ءمينيسترى ارمان شاققاليەۆ ەلدەگى ءبىرىڭعاي ۋاقىت بەلدەۋىنە قاتىستى زەرتتەۋدىڭ قورىتىندىسىن جاريالادى.

شىعىس قازاقستان وبلىسىنىڭ ءبىرقاتار اۋدانىندا (كاتونقاراعاي، مارقاكول، ۇلكەن نارىن، زايسان، تارباعاتاي، سامارا، كۇرشىم) تۇرعىندار تاراپىنان قولداۋ تاۋىپ، جۇمىس كەستەسى 8:00 دەن 17:30 (كەشكى بەس جارىمعا) دەيىن وزگەرتىلدى.

مينيستر قاجەت بولعان جاعدايدا، وسىنداي تاجىريبەنى جەرگىلىكتى اتقارۋشى ورگاندار باسقا وڭىرلەردە دە قولدانۋعا مۇمكىندىگى بار ەكەنىن جەتكىزگەن ەدى.

وسىعان بايلانىستى Kazinform اگەنتتىگى الماتى اكىمدىگىنە ساۋال جولداعان بولاتىن.

- جاڭا جۇمىس كەستەسىنە كوشۋ ماسەلەسى قاراستىرىلىپ جاتقان جوق،- دەپ جاۋاپ بەردى قالا اكىمدىگى.

ەسكە سالساق، بۇعان دەيىن كاتونقاراعاي اۋدانىندا جۇمىس ۋاقىتى ءبىر ساعاتقا كەرى شەگەرىلگەنى حابارلانعان.

كەيىن تاعى بىرنەشە اۋداندا جۇمىس ۋاقىتى وزگەرتىلدى.

12-ناۋرىز كۇنى التاي جانە ۇلان اۋداندارىندا دا جۇمىس ۋاقىتى ساعات 08.00 دە باستالاتىندىعى تۋرالى جازعانبىز.

بۇگىن شىعىس قازاقستان وبلىسىنداعى گلۋبوكوە جانە شەمونايحا اۋداندارىندا جۇمىس ۋاقىتى ءبىر ساعاتقا شەگەرىلدى.