«اقوردا» رەزيدەنتسياسىندا بالالارعا ەكسكۋرسيا ۇيىمداستىرىلدى
استانا. قازاقپارات - 1 -ماۋسىم -حالىقارالىق بالالاردى قورعاۋ كۇنىنە وراي ەلىمىزدىڭ بارلىق وڭىرىنەن كەلگەن وقۋشىلار اقوردادا قوناق بولدى.
قازاقستان رەسپۋبليكاسى پرەزيدەنتىنىڭ رەزيدەنسياسىنا وقۋ ۇزدىكتەرى، ءپان وليمپيادالارىنىڭ، رەسپۋبليكالىق جانە حالىقارالىق بايقاۋلاردىڭ جەڭىمپازدارى، سپورت سايىستارىنىڭ جۇلدەگەرلەرى، باتىل ارەكەتىمەن كوزگە تۇسكەن بالالار كەلدى. اقوردانىڭ كىشكەنتاي قوناقتارىنىڭ قاتارىندا كوپبالالى وتباسىلاردان شىققان، اتا-اناسىنىڭ قامقورلىعىنسىز قالعان جانە ەرەكشە قاجەتتىلىگى بار جەتكىنشەكتەر دە بولدى.
ەكسكۋرسيا كەزىندە وقۋشىلار اقوردانىڭ ورتالىق سالتاناتتى حولى مەن رەسمي قابىلداۋلار وتكىزۋگە ارنالعان زالداردى، مەملەكەت باسشىسىنىڭ كىتاپحاناسىن، سونداي-اق رەزيدەنتسيا اۋماعىنداعى باقتى ارالادى.
ەكسكۋرسوۆودتار عيمارات قۇرىلىسىنىڭ تاريحى، ونىڭ ەرەكشەلىكتەرى مەن مۇندا وتەتىن ءىس- شارالارعا بايلانىستى قىزىقتى فاكتىلەر جايىندا مالىمەت بەردى.
سونىمەن قاتار وقۋشىلارعا پرەزيدەنت اتىنان ەستەلىك سىيلىقتار تابىستالدى.
وڭىرلەردەن كەلگەن بالالار ەلوردانىڭ كورىكتى ورىندارىن دا ارالايدى.
بيىل حالىقارالىق بالالاردى قورعاۋ كۇنىنە ارنالعان ءىس- شارالار الگوريتمى «قازاقستان بالالارى» ءبىرىڭعاي تۇجىرىمداماسىنا ساي ءتۇزىلدى. 22 - مامىردان باستالىپ 1 -ماۋسىمعا دەيىن جالعاساتىن ونكۇندىك اياسىندا وتباسى، قاۋىپسىزدىك، دەنساۋلىق، ءبىلىم بەرۋ، بالا قۇقىعىن قورعاۋ سەكىلدى ماڭىزدى ماسەلەلەرگە باسا نازار اۋدارىلدى.
ەل اۋماعىندا وتباسىلىق، اعارتۋشىلىق، قايىرىمدىلىق باعىتتارىنداعى راسىمدەر، كورمەلەر، سپورتتىق تۋرنيرلەر، ەكولوگيالىق اكسيالار، دارىگەرلەر مەن پسيحولوگتاردىڭ قابىلداۋلارى ۇيىمداستىرىلدى. دەكادانىڭ ءبىر كۇنىتسيفرلىق تەحنولوگيالاردى ىلگەرىلەتۋگە جانە سيفرلىق ورتادا بالالاردى قورعاۋعا ارنالدى.
