اقوردا حالىقارالىق بالالاردى قورعاۋ كۇنىندە وقۋشىلارعا ەسىگىن اشتى
استانا. قازاقپارات - 1-ماۋسىم حالىقارالىق بالالاردى قورعاۋ كۇنى پرەزيدەنت رەزيدەنتسياسى «اقورداعا» 81 وقۋشى تانىمدىق ساياحات جاسادى.
ەلىمىزدىڭ بارلىق وڭىرلەرىنەن كەلگەن حالىقارالىق جانە رەسپۋبليكالىق وليمپيادالاردىڭ جەڭىمپازدارى، شىعارماشىلىقتا جانە سپورتتا جوعارى جەتىستىكتەرگە جەتكەن بالالار، بەلسەندىلەر مەن ەرىكتىلەردىڭ تىنىمسىز ىزدەنىستەرى وسى ساپار ارقىلى ەسكەرىلدى. بيىل اقورداعا سۋ تاسقىنىنان زارداپ شەككەن وڭىرلەردىڭ بالالارى دا كەلدى.
بۇل ساياحات بالالارعا ەلوردانىڭ تاريحي ءرولى جانە بىرەگەي ساۋلەت ءانسامبلى - قازاقستان رەسپۋبليكاسى پرەزيدەنتىنىڭ رەزيدەنسياسىمەن تانىسۋعا مۇمكىندىك بەردى. ەكسكۋرسيا بارىسىندا بالالار ەل پرەزيدەنتىنىڭ جۇمىس تارتىبىمەن، «اقوردا» رەزيدەنسياسى جانە ونىڭ ايماعىنداعى باقشاعا بايلانىستى قىزىقتى فاكتىلەردەن حاباردار بولدى.
سونىمەن قاتار، ەكى كۇندىك ءىس-شارا اياسىندا بالالار پرەزيدەنتتىك ورتالىق، ۇلتتىق مۋزەي، «نۇر- الەم» پاۆيلونى سياقتى ەلوردانىڭ كورىكتى جەرلەرىنە بارىپ، ەلىمىزدىڭ باي مادەني جانە تاريحي مۇراسىمەن تانىسادى.
كەزدەسۋ بارىسىندا بالالار وزدەرىنىڭ جەتىستىكتەرى مەن بولاشاققا جوسپارلارى تۋرالى باياندادى. سونداي-اق وقۋشىلار مەملەكەت باسشىسىنىڭ اتىنان ەستەلىك سىيلىقتار الدى.
بۇل وقيعا دارىندى بالالاردى قولداۋداعى جانە ولاردىڭ ودان ءارى دامۋىنا جاعداي جاساۋداعى ماڭىزدى قادام. «اقوردا» ءوز ەسىگىن جاڭا ۇرپاقتى جوعارى ماقساتتارعا جەتۋگە جانە قازاقستاننىڭ مادەني جانە قوعامدىق ومىرىنە بەلسەندى قاتىسۋلارىن جالعاستىرۋعا شابىتتاندىرۋ ءۇشىن اشتى.
اۆتور
ابىلايحان جۇماشيەۆ
