اقتوبەنىڭ بىرنەشە اۋدانىندا جاڭبىردان سوڭ سۋ ءجۇردى
اقتوبە وبلىسىنىڭ شالقار، مۇعالجار، بايعانين، ىرعىز اۋداندارىندا جاڭبىردان سوڭ سۋ ءجۇردى. كەيبىر اۋىلعا كەزەكشىلىك قويىلدى، دەپ حابارلايدى Kazinform.
قازىرگى ۋاقىتتا مۇعالجار اۋدانىنىڭ جاعابۇلاق اۋىلىنا كەزەكشىلىك قويىلدى.
«جاڭابۇلاق اۋىلىندا 250 ءۇي بار. ۇيلەرگە ەش قاۋىپ جوق. دەگەنمەن كەزەكشىلىك قويىلىپ، سۋدىڭ ءجۇرۋ ارناسى تازارتىلدى»، - دەدى مۇعالجار اۋدانىنىڭ اكىمى دارحان ەرماعامبەتوۆ.
سونىمەن بىرگە بايعانين اۋدانىنىڭ ورتالىعى قاراۋىلكەلدى اۋىلىندا دا سۋ ءجۇردى.
«اۋىلداعى قورىمعا باراتىن وتكەل بۇل. اۋىل ىشىنە سۋ كىرمەدى»، - دەدى بايعانين اۋدانىنىڭ اكىمى ايبەك كوپەنوۆ.
ال وبلىستىق ت ج د باسپا ءسوز قىزمەتىنىڭ حابارلاۋىنشا، 28-جەلتوقسان كۇنى شالقار اۋدانى بەرشۇگىر اۋىلىندا جاۋىن-شاشىننىڭ كوپ تۇسۋىنە بايلانىستى بەرشۇگىر- شالقار اينالما جولىنا ەرىگەن قار سۋى جينالدى. ەرىگەن سۋ دالاعا قاراي اعىپ جاتىر. ەلدى مەكەندەرگە قاۋىپ جوق.
Посмотреть эту публикацию в Instagram
