اقتوبەدەگى جول اپاتى: قازا بولعان 5 ادام - ءبىر وتباسىنىڭ مۇشەلەرى

اقتوبە. KAZINFORM - ءاليا اۋىلىنداعى جول-كولىك اپاتىنان سوڭ اۋرۋحاناعا جەتكىزىلگەن بالا كوز جۇمدى. جول اپاتى كەزىندە ءبىر وتباسىنان 5 ادام مەرت بولىپ وتىر.

سامارا - شىمكەنت تاسجولىنداعى اپاتتان سوڭ قوبدا اۋداندىق اۋرۋحاناسىنا جەتكىلگەن بالانى امان الىپ قالۋ مۇمكىن بولمادى.

- جەدەل جاردەم العاشىندا 3 جاسار بالا دەپ شامالاپ ايتتى. ءتۇرلى دەنە جاراقاتىن العان بالانى امان الىپ قالۋ مۇمكىن بولمادى. دارىگەرلەر 30 مينۋت بويى جانتالاسقانىمەن، 2020 -جىلى تۋعان بالا كوز جۇمدى. ال اۋرۋحاناعا تۇسكەن جۇرگىزۋشىنىڭ جاعدايى ءبىرقالىپقا ءتۇستى. قازىر ەسىن بىلەدى، ءبىراق جاعدايى اۋىر. ونى ساناۆياتسيامەن اقتوبە وبلىستىق كوپسالالى اۋرۋحاناعا جەتكىزۋ جولى قاراستىرىلىپ جاتىر، - دەپ حابارلادى اقتوبە وبلىستىق دەنساۋلىق ساقتاۋ باسقارماسىنىڭ باسپا ءسوز قىزمەتى.

ەسكە سالساق، كەشە، 26-تامىز كۇنى ساعات شامامەن 18:45-تە جول-كولىك اپاتى بولدى. وندا بىردەن ءتورت ادام كوز جۇمدى.

مەرت بولعان ەكى ادام - 12 جاستاعى قىز جانە 14 جاستاعى ۇل. جەدەل جاردەم 4 جاسار بالا مەن 1996 -جىلى تۋعان جۇرگىزۋشىنى اۋرۋحاناعا جەتكىزگەن بولاتىن.

اۆتور
التىناي ساعىندىقوۆا