اقتوبەدە وزەنگە قوي سۋارۋعا بارعان جاس ءوسپىرىم سۋعا باتىپ كەتتى
اقتوبە. KAZINFORM - وقيعا تەمىر اۋدانى شۇبارقۇدىق اۋىلى ماڭىندا بولدى. توتەنشە جاعدايلار قىزمەتى اتا- انالاردى ساق بولۋعا شاقىردى.
تەمىر اۋدانى شۇبارقۇدىق كەنتى ماڭىنداعى ويىل وزەنىندە قايعىلى جاعداي بولدى. جاس ءوسپىرىم مال سۋارۋعا بارىپ، ارتىنشا ءوزى دە سۋعا تۇسكەن.
- 2009 -جىلى تۋعان جاس ءوسپىرىم وتباسىمەن بىرگە مال سۋارۋعا شىققان بولاتىن. سول ساتتە جاس ءوسپىرىم قويدىڭ ارتىنان سۋعا كىرىپ، باتىپ كەتكەن. بۇل وقيعا سۋ ايدىندارىنداعى قاۋىپسىزدىك ەرەجەلەرىن ساقتاۋدىڭ جانە بالالارعا ءجۇزۋدى ۇيرەتۋدىڭ قانشالىقتى ماڭىزدى ەكەنىن تاعى ءبىر مارتە دالەلدەپ وتىر. وسىنداي قايعىلى جاعدايلاردىڭ الدىن الۋ ءۇشىن اتا-انالار مەن اۋىل تۇرعىندارى قاۋىپسىزدىك تالاپتارىن قاتاڭ ساقتاپ، بالالاردىڭ ءومىرى مەن قاۋىپسىزدىگىن ءاردايىم باستى نازاردا ۇستاۋى قاجەت، - دەپ حابارلادى وبلىستىق ت ج د باسپا ءسوز قىزمەتى.
ەسكە سالساق، مامىر ايىندا شالقار كولىنەن مەكتەپ وقۋشىسىنىڭ دەنەسى تابىلدى. ول تىيىم سالىنعان جەردە سۋعا شومىلعان.
سونىمەن بىرگە اقتوبە قالاسىنداعى ەلەك وزەنى بويىندا ورنالاسقان دەمالىس ورىندارىنىڭ بىرىندە قايعىلى جاعداي تىركەلدى. 4 جاسار بالانىڭ دەنەسىن سۇڭگۋىرلەر 2 مەتر تەرەڭدىكتەن الىپ شىقتى.
اۆتور
التىناي ساعىندىقوۆا
