اقتوبەدە جول-كولىك اپاتىنان بىردەن 8 ادام مەرت بولدى

اقتوبە. KAZINFORM - اقتوبە وبلىسىندا جول-كولىك اپاتى بولىپ، 8 ادام كوز جۇمعان. ءبىر كولىك ورتەنىپ كەتتى.

اقتوبە وبلىستىق دەنساۋلىق ساقتاۋ باسقارماسىنىڭ حابارلاۋىنشا، وقيعا بۇگىن ساعات 08:36 دا تىركەلگەن.

اقتوبە-اتىراۋ تاسجولىندا لادا لارگۋس جانە تويوتا حايليۋسك كولىگى سوقتىعىسقان.

- جول-كولىك اپاتى كەزىندە لادا لارگۋس كولىگى جاندى. بارلىعى 8 ادام كوز جۇمدى. سونىمەن بىرگە 3 ادام مۇعالجار اۋداندىق اۋرۋحاناسىنا جەتكىزىلىپ، دارىگەرلەر قاراپ شىقتى، - دەپ حابارلادى اقتوبە وبلىستىق دەنساۋلىق ساقتاۋ باسقارماسىنىڭ باسشىسى نۇربول تىمپيەۆ.

ايتا كەتەيىك، جولاۋشىلار اراسىندا بالالار دا بولعان.

قازىرگى كەزدە ولاردىڭ جاسى مەن اتى-ءجونى انىقتالىپ جاتىر.

اۆتور

التىناي ساعىندىقوۆا