اقتوبەدە 100 دەن استام شەتەلدىك ۇستالدى
اقتوبە. KAZINFORM - اقتوبەدە ءبىر اپتادا كوشى-قون زاڭناماسىن بۇزعان 100 دەن استام شەتەلدىك انىقتالىپ، ۇستالدى.
اقتوبەدە وسى اپتادا «زاڭسىز كەلۋشى» جەدەل-الدىن الۋ شاراسى ءوتتى. وندا ءتارتىپ ساقشىلارى قازاقستاندا بولۋ ەرەجەسىن بۇزعان 100 دەن استام شەتەلدىكتى انىقتادى. سونىمەن قاتار شەتەلدىكتەردى قابىلداۋ جانە شەتەلدىك جۇمىس كۇشىن پايدالانۋ ەرەجەلەرىن بۇزعان اقتوبەلىكتەر اكىمشىلىك جاۋاپقا تارتىلدى.
- پوليتسيا قىزمەتكەرلەرى ءبىر جىلدان استام ۋاقىتتان بەرى ءوز ەلىندە مەملەكەتارالىق ىزدەۋدە جۇرگەن ارمەنيانىڭ ازاماتىن ۇستادى. قازىرگى تاڭدا اتالعان شەتەلدىك ۋاقىتشا قاماۋعا الىندى. «زاڭسىز كەلۋشى» ءىس-شارا اياسىندا ۋچاسكەلىك پوليتسيا ينسپەكتورلارى ساياجاي اۋماقتارىن، شارۋا قوجالىقتارىن، قىستاقتاردى تەكسەردى، - دەپ حابارلادى اقتوبە وبلىستىق پ د باسپا ءسوز قىزمەتى.
ەسكە سالساق، كامەلەت جاسقا تولماعان بالانى زورلادى دەگەن كۇدىككە ىلىككەن اقتوبەلىك تەرگەۋ يزولياتورىندا ءوز-وزىنە قول جۇمسادى.
