اقتوبە وبلىسى اكىمدىگى بۇگىن قاشىقتان جۇمىس ىستەيدى
اقتوبە. KAZINFORM - قازىرگى كەزدە پوليتسيا قىزمەتكەرلەرى اكىمدىك عيماراتىن قورشاۋعا العان. وقيعا ورنىندا ءالى دە ءورت سوندىرۋشىلەر ءجۇر.
اقتوبە قالاسىنىڭ ءابىلقايىر حان داڭعىلى بويىندا ورنالاسقان اكىمدىك عيماراتىنا ەشكىمدى كىرگىزبەيدى. وقيعا ورنىندا قازىر كريميناليستەر، توتەنشە جاعدايلار قىزمەتكەرلەرى جۇمىس ىستەپ جاتىر. سونىمەن بىرگە تازالىقشىلار، ەلەكترمەن قامتيتىن مەكەمەنىڭ اۆاريالىق قىزمەتى دە كەلدى.
اقتوبە وبلىسى اكىمىنىڭ باسپا ءسوز قىزمەتىنىڭ حابارلاۋىنشا، بۇگىن جۇمىس ونلاين بولادى. اقتوبە وڭىرلىك كوممۋنيكاتسيالار قىزمەتىندەگى باسپا ءسوز ءماسليحاتى دا كەيىنگە شەگەرىلدى. اكىمدىكتە ورنالاسقان احۋالدىق ورتالىق تا جۇمىسىن ۋاقىتشا توقتاتتى.
- عيماراتقا ەشكىمدى كىرگىزىپ جاتقان جوق. ىشتە كوميسسيا بار. تەكسەرىس بولىپ جاتىر، - دەدى ۆزۆود كومانديرى ازامات سەمبايەۆ.
ەسكە سالساق، كەشە كەشكىلىك اقتوبە وبلىستىق اكىمدىگى عيماراتىنان ءورت شىقتى. ءورت اۋدانى 300 شارشى مەتردى قۇرادى. ەشكىم زارداپ شەككەن جوق.
وقيعا ورنىندا جەدەل شتاب قۇرىلدى. وقيعا ورنىندا وبلىس اكىمى اسحات شاحاروۆ ءجۇردى. قازىرگى كەزدە قىلمىستىق ءىس قوزعالىپ، تەرگەۋ ءجۇرىپ جاتىر.
