اقتاۋداعى ۇشاق اپاتى: استانالىقتار قان تاپسىرىپ جاتىر
استانا. KAZINFORM - ەلوردالىقتار اقتاۋ ماڭىنداعى ۇشاق اپاتىنان زارداپ شەككەن جاندارعا كومەك رەتىندە جاپپاي قان تاپسىرىپ جاتىر. بۇل اقپاراتتى قالالىق دەنساۋلىق باسقارماسى راستادى.
اقتاۋداعى قايعىلى وقيعا ەلوردالىقتاردى بەي-جاي قالدىرمادى.
قاندى قابىلداۋ استاناداعى كەرەي جانىبەك كوشەسى 10 مەكەنجايىندا ورنالاسقان رەسپۋبليكالىق ترانسفۋزيولوگيا عىلىمي-وندىرىستىك ورتالىعىندا ءجۇرىپ جاتىر. قاندى تاڭعى ساعات 8:00 دەن ساعات 17:30عا دەيىن تاپسىرۋعا بولادى.
بايلانىس تەلەفونى: 87172543241، 543246.
ازەربايجاندىق Minval.az اقپاراتتىق پورتالى بۇگىنگى اۋە اپاتىنا قاتىستى اقپاراتتى جەدەل تاراتىپ جاتىر. تارالىپ جاتقان اقپاراتتىڭ كوبىندە قازاقستاننىڭ رەسمي ورگاندارى مەن ب ا ق-قا سىلتەمە جاسالعان.
- قازاقستاندىق قۇتقارۋ قىزمەتى مەن دارىگەرلەردىڭ جوعارى كاسىبيلىگىنە ەرەكشە نازار اۋدارۋ قاجەت. بارلىق جۇمىس جەدەل جۇرگىزىلىپ جاتىر. قازاقستاندىقتار جاپپاي قان تاپسىرىپ جاتىر. ولاردىڭ كۇش-جىگەرى ءۇشىن العىس ايتامىز. راقمەت، قازاقستان، - دەلىنگەن جەلىدەگى حابارلامادا.
بۇعان دەيىن اقتاۋداعى ۇشاق اپاتىنىڭ حرونولوگياسىن ۇسىنعان ەدىك.
ماڭعىستاۋ وبلىسىنىڭ دەنساۋلىق ساقتاۋ باسقارماسى اقتاۋ ماڭىنداعى ۇشاق اپاتى بولعان جەردەن 4 ادامنىڭ دەنەسى تابىلدى.
مەملەكەت باسشىسى قاسىم-جومارت توقايەۆ ازەربايجان پرەزيدەنتى يلحام اليەۆكە كوڭىل ايتتى.
ايتا كەتەيىك، ق ر پرەزيدەنتىنىڭ تاپسىرماسىمەن اۋە اپاتىنا بايلانىستى مەملەكەتتىك كوميسسيا قۇرىلدى.
اپاتقا ۇشىراعان ۇشاق بورتىندا قازاقستاننىڭ 6 ازاماتى بولدى.
