اقتاۋدا لاڭكەستىك جاساماق بولعان تۇرعىن ۇستالدى
اقتاۋ. KAZINFORM - بۇگىن اقتاۋدا ۇلتتىق قاۋىپسىزدىك كوميتەتى پروكۋراتۋرا قىزمەتكەرلەرىمەن بىرگە تەرروريزم جاساۋعا دايىندالعان جەرگىلىكتى تۇرعىندى ۇستاعانىن مالىمدەدى.
كۇدىككە ىلىنگەن ازاماتتىڭ ءۇيىن تەكسەرۋ بارىسىندا قاۋىپ تۋدىراتىن ەلەمەنتتەرى بار جارىلعىش قۇرىلعىنى دايىنداۋعا ارنالعان زاتتاي ايعاقتار تابىلعان.
"ۇستالعان ازامات بۇرىن كىسى ولتىرگەنى ءۇشىن سوتتالىپ، راديكالدى ءدىني يدەولوگيانى ۇستانۋشى رەتىندە تىركەلگەن. وعان قاتىستى قىلمىستىق كودەكستىڭ 255-بابى 1-بولىگى بويىنشا سوتقا دەيىنگى تەرگەپ- تەكسەرۋ جۇرگىزىلىپ جاتىر"، - دەدى ۇ ق ك باسپا ءسوز قىزمەتىندەگىلەر.
ازىرگە قۇزىرلى ورىندا لاڭكەستىك وقيعاسىن جاساماق بولعان اقتاۋ تۇرعىنىنا قاتىستى اقپاراتتاردى تاراتقان جوق. بۇعان قاتىستى قىلمىستىق-پروتسەستىك كودەكستىڭ 201-بابىنىڭ 1-بولىگىنە سايكەس وزگە اقپارات جاريا ەتۋگە جاتپايتىنى ايتىلىپ وتىر.
