اقتاۋدا كولىك ورتەنىپ، جۇرگىزۋشىسىنىڭ قولى كۇيىپ قالدى

اقتاۋ. KAZINFORM - اقتاۋدا 42 جاستاعى قالا تۇرعىنى كولىگى ورتەنگەن ساتتە قولىن كۇيدىرىپ الدى.

ءوڭىردىڭ توتەنشە جاعدايلار دەپارتامەنتىنىڭ مالىمەتىنشە، شاعىن اۋدانداردىڭ بىرىندە «Opel» كولىگىنەن تولىعىمەن ورتەنىپ كەتكەن.

«4-ناۋرىز كۇنى ساعات 16:35-تە اقتاۋدىڭ 23 شى شاعىن اۋدانىندا 1994 -جىلى شىققان «Opel» ماركالى اۆتوكولىك وتقا وراندى. سونىڭ سالدارىنان 1982 -جىلى تۋعان جۇرگىزۋشىنىڭ وڭ قولىنىڭ 5-6 پايىز بولىگى كۇيىپ الدى. ءتىلسىز جاۋ 16:45 تە ءسوندىرىلىپ، وقيعا ورنىنا جەكە قۇرامنىڭ 6 قىزمەتكەرى مەن 1 تەحنيكا جۇمىلدىرىلدى»، - دەدى وبلىستىق ت ج د-نىڭ باسپا ءسوز قىزمەتى.

ال وبلىستىق دەنساۋلىق ساقتاۋ باسقارماسى زارداپ شەككەن قالا تۇرعىنىنىڭ جاعدايى قالىپتى ەكەنىن اتادى.

«بۇگىن ءورت كەزىندە قولىن كۇيىك شالعان ازامات دارىگەر كومەگىنە جۇگىندى. امبۋلاتورلىق ەم- دوم كورسەتىلگەن سوڭ ۇيگە جىبەرىلدى»، - دەدى ماڭعىستاۋ وبلىستىق كوپبەيىندى اۋرۋحانىنىڭ دارىگەرلەرى.

وسىعان دەيىن اقتاۋدا پاترۋلدىك پوليتسيا مىنگەن قىزمەتتىك كولىك جول اپاتىنا سەبەپكەر بولعان ەدى.

سونىمەن بىرگە، كولىك دوڭگەلەگىن جوندەۋ تسەحىندا بولعان ءورت كەزىندە كۇيىك شالعان ەكى شەتەلدىك ازامات اۋرۋحانا جەتكىزىلىپ، قازىرگە دەيىن جانساقتاۋ بولىمىندە اۋىر حالدە جاتىر.

 

اۆتور
جانكەلدى قارجان