19:19, 20 - شىلدە 2025 | GMT +5
اقتاۋدا جالاڭاش ەر ادام 11 قاباتتى ءۇيدىڭ توبەسىنەن سەكىرىپ كەتتى
استانا. KAZINFORM - پوليتسيا اتالعان وقيعاعا قاتىستى قىلمىستىق ءىس قوزعادى، دەپ حابارلايدى Kazinform ءتىلشىسى.
اقتاۋدا 11 قاباتتى ءۇيدىڭ توبەسىنەن جالاڭاش ەر ادامنىڭ سەكىرىپ كەتكەنى تۋرالى ۆيدەو الەۋمەتتىك جەلىدە تاراپ، كوپشىلىكتىڭ نازارىن اۋداردى.
بەينەجازبادا ەر ادامنىڭ ءۇيدىڭ شاتىرىنا شىققانى جانە قۇتقارۋشىلاردىڭ وعان كومەك كورسەتۋگە تىرىسقانى كورىنەدى. وكىنىشكە قاراي قۇتقارۋشى ەر ادامعا جاقىنداعان كەزدە ول سەكىرىپ كەتەدى.
ماڭعىستاۋ وبلىستىق پوليتسيا دەپارتامەنتىنىڭ مالىمەتىنشە، اتالعان فاكتى بويىنشا قىلمىستىق ءىس قوزعالىپ، تەرگەۋ امالدارى جۇرگىزىلىپ جاتىر.
بۇدان بۇرىن شىلدەنىڭ باسىندا اتىراۋدا كامەلەتكە تولماعان 2 جاس ءوسپىرىم سۋيتسيد جاساعانى انىقتالدى.
