10:25, 20 - مامىر 2025 | GMT +5
اقتاۋدا ءبىر توپ جىگىت كوشەدە تاپا-تال تۇستە توبەلەس شىعاردى
اقتاۋ. KAZINFORM - وقيعا 12 ا شاعىن اۋدانىندا تۇرعىنداردىڭ كوزىنشە بولعان.
كۋاگەرلەر توبەلەستى بەينەجازباعا ءتۇسىرىپ، تاراتىپ جىبەردى. بەينەجازبادا جەردە جاتقان ادامدى ەكى بىردەي جىگىت جابىلىپ ۇرىپ جاتىر. جانجالعا تاعى ءبىر كىسى ارالاسىپ، توبەلەسىپ جاتقانداردىڭ ءبىرىن اياعىمەن تەۋىپ جىبەرەدى.
بۇل وقيعاعا قاتىستى ماڭعىستاۋ وبلىستىق پوليتسيا دەپارتامەنتىنىڭ باسپا ءسوز قىزمەتى پىكىر ءبىلدىردى.
- اتالعان وقيعا بويىنشا قىلمىستىق ءىس قوزعالدى. كۇدىكتىلەر ۇستالىپ، قازىرگى ۋاقىتتا وقيعانىڭ بارلىق ءمان-جايى انىقتالىپ جاتىر، - دەلىنگەن حابارلامادا.
بۇعان دەيىن اقتاۋدا ءبىر توپ جاس ءوسپىرىم 11-سىنىپ وقۋشىسىنا وق اتىپ، اۋىر جارالاعانى تۋرالى جازعان بولاتىنبىز.
اقتاۋدا جول كولىك اپاتىنا تۇسكەن وقۋشىلاردىڭ ءبىرىنىڭ جاعدايى تۇراقتالدى.
اۆتور
اياگوز ءىزباساروۆا
