اقتاۋدا بوس ورىندار جارمەڭكەسىندە 35 ازامات اسكەري قىزمەت وتكەرۋگە نيەت ءبىلدىردى
استانا. KAZINFORM - اقتاۋدىڭ ەڭ ءىرى ساۋدا ورتالىقتارىنىڭ بىرىندە ماڭعىستاۋ وبلىسىنداعى قورعانىس ىستەرى جونىندەگى دەپارتامەنتىنىڭ باستاماسىمەن اسكەري قىزمەتكە قابىلداۋ بويىنشا بوس ورىندار جارمەڭكەسى ۇيىمداستىرىلدى.
قورعانىس مينيسترلىگى باسپا ءسوز قىزمەتى اتاپ وتكەندەي، ءىس-شارانىڭ ماقساتى - قالا تۇرعىندارىن اسكەري بولىمدەردەگى بوس لاۋازىمدار جونىندە حاباردار ەتۋ، وعان قوسا قازاقستان رەسپۋبليكاسىنىڭ قارۋلى كۇشتەرىندەگى مەرزىمدى جانە كەلىسىمشارتتىق اسكەري قىزمەتتى ناسيحاتتاۋ بولدى.
جارمەڭكەگە كەلگەن اقتاۋلىقتار گارنيزون بولىمدەرىندەگى بوس ورىندارمەن تانىسىپ، كادر قىزمەتىنىڭ وكىلدەرىنە ءوز سۇراقتارىن قويىپ، اسكەري قىزمەتكە ءوتۋ ءتارتىبى جايلى كەڭەس الدى.
- ءىس-شارا بارىسىندا قاتىسۋشىلار كەلىسىمشارت نەگىزىندەگى اسكەري قىزمەتتىڭ تالاپتارى مەن ارتىقشىلىقتارى جايىندا تولىق اقپارات الىپ، مەرزىمدى قىزمەتتىڭ ەرەكشەلىكتەرىمەن تانىستى. بۇدان وزگە جەرگىلىكتى اسكەري باسقارۋ ورگاندارى مەن كادر بولىمدەرىنىڭ وكىلدەرىنە سۇراقتارىن قويدى، - دەدى ماڭعىستاۋ وبلىسى قورعانىس ىستەرى جونىندەگى دەپارتامەنتىنىڭ باستىعى پولكوۆنيك رۋسلان بالتەمىروۆ.
جارمەڭكە قورىتىندىسى بويىنشا شامامەن ءجۇز ادام اسكەري قىزمەت تۋرالى تولىق مالىمەت الدى. ونىڭ ىشىندە 20 ادام كەلىسىمشارت بويىنشا، ال تاعى 15 ازامات مەرزىمدى اسكەري قىزمەت وتكەرۋگە نيەت ءبىلدىردى.
ودان بولەك، اسكەردەگى قىزمەتتىڭ شارتتارى مەن ارتىقشىلىقتارى كورسەتىلگەن ءۇش جۇزگە جۋىق اقپاراتتىق پاراقشا تاراتىلدى.
ۇيىمداستىرۋشىلاردىڭ ايتۋىنشا، مۇنداي جارمەڭكەلەر جەلتوقسان ايىنا دەيىن ءار اپتا سايىن وتكىزىلىپ تۇرادى. كەلەسى كەزدەسۋلەر قالاداعى ءتۇرلى ساۋدا ورتالىقتارىندا جانە امفيتەاتر الاڭىندا وتەدى.
بۇعان دەيىن قارۋلى كۇشتەردىڭ اسكەري قىزمەتشىسى 600 شاقىرىمدىق سۋپەرمارافوندى ەڭسەرگەنىن جازعانبىز.
