15:44, 27 - جەلتوقسان 2024 | GMT +5
اقتاۋعا Embraer اۋە كەمەسىن ءوندىرۋشى زاۋىتتان ارنايى وكىلدەر كەلدى
اقتاۋ. KAZINFORM - برازيليادان اقتاۋ قالاسىنا چيكاگو كونۆەنتسياسىنىڭ 13 قوسىمشاسىنا سايكەس Embraer اۋە كەمەسىن ءوندىرۋشى زاۋىتتان ارنايى وكىلدەر كەلدى.
ق ر كولىك مينيسترلىگىنىڭ مالىمەتىنشە، تەرگەپ-تەكسەرۋ جونىندەگى كوميسسيا اۆياتسيالىق وقيعا ورنىنا بارىپ، الداعى جۇمىستاردى ايقىندادى.
سونداي-اق، الداعى كۇندەرى ەلىمىزگە CENIPA وكىلدەرى (اۆياتسيالىق وقيعالاردى تەرگەۋ جانە الدىن الۋ ورتالىعى) كەلەدى دەپ جوسپارلانىپ وتىر.
بۇعان دەيىن اقتاۋ ماڭىندا باكۋدەن گروزنىيعا باعىت العان ۇشاق اپاتقا ۇشىراعانىن جازعان بولاتىنبىز.
ۇشاق بورتىندا 67 ادام، ونىڭ ىشىندە بەس ەكيپاج مۇشەسى بولعان. وقيعا سالدارىنان 38 جولاۋشى قازا تاپتى.
