اقتاۋ پورتىنىڭ ءتۇبىن تەرەڭدەتۋ جۇمىسىن باستاۋ كەرەك - سەناتور

استانا. KAZINFORM - قازاقستاننىڭ كولىك-لوگيستيكالىق الەۋەتىنە سوڭعى جىلدارى كاسپي تەڭىزى دەڭگەيىنىڭ تومەندەۋى ەلەۋلى پروبلەماعا اينالدى.

АЛДАШЕВ Суиндик Тасеменович
Фото: senate.parlam.kz

سەناتور سۇيىندىك الداشيەۆ ۇكىمەت باسشىسىنىڭ اتىنا جولداعان دەپۋتاتتىق ساۋالىندا بۇل ماسەلە پورتتاردىڭ جۇمىسىنا جانە ولاردىڭ تيىمدىلىگىنە تەرىس اسەر ەتەتىنىن اتاپ ءوتتى.

- اقتاۋ پورتى اكۆاتورياسىندا تەڭىز ءتۇبىن تەرەڭدەتۋ جوباسى تەڭىز ينفراقۇرىلىمىن دامىتۋدىڭ 2024-2028 -جىلدارعا ارنالعان كەشەندى جوسپارىنا ەنگىزىلگەن جانە قۇنى 42 ميلليارد تەڭگەنى قۇرايتىن جوبالىق سمەتالىق قۇجاتتاما جاساقتالىپ، ساراپتامانىڭ وڭ قورىتىندىسى الىندى. قۇنى 20 ميلليارد تەڭگە قۇرايتىن جوبا 2025 -جىلى باستالۋى ءتيىس. الايدا، قازىرگى كەزدە بۇل باعىتتا جۇمىستىڭ اتقارىلۋىنا قاراجات كوزى قارالماعانى انىقتالىپ وتىر. بۇل ءوز كەزەگىندە جوبانىڭ ۋاقىتىندا ىسكە اسپاي قالۋىنا اسەرىن تيگىزىپ وتىر»، - دەدى س. الداشيەۆ.

سەناتوردىڭ ايتۋىنشا، قارجىلاندىرۋدىڭ بولماۋى ەلىمىزگە ستراتەگيالىق ماڭىزدى جوبانى جۇزەگە اسىرۋعا كەدەرگى كەلتىرۋى مۇمكىن. قاۋىپسىز ناۆيگاتسيانى قامتاماسىز ەتۋ، جۇك اعىنىن ارتتىرۋ جانە مارشرۋتتاعى كەدەرگىلەردى جويۋ ءۇشىن ءتۇبىن تەرەڭدەتۋ قاجەت. بۇل شارالار اتقارىلماسا، ترانس كاسپي مارشرۋتىنىڭ تۇراقتىلىعىنا قاۋىپ تونەدى، ال قازاقستاننىڭ ترانزيتتىك الەۋەتى جۇزەگە اسپاي قالادى.

- جوعارىدا ايتىلعان ماسەلەنىڭ ماڭىزدىلىعىن ەسكەرە وتىرىپ، اقتاۋ پورتى اكۆاتورياسى تەڭىز ءتۇبىن تەرەڭدەتۋدىڭ ءبىرىنشى كەزەڭى جۇمىستارىن ۋاقىتىندا اتقارۋ ماقساتىندا جوبانى قارجىلاندىرۋعا قاراجات بولۋگە ىقپال ەتۋىڭىزدى سۇرايمىز. بۇل ءوز كەزەگىندە ەلىمىزدىڭ كولىك لوگيستيكالىق الەۋەتىن ارتتىرۋ باعىتىندا زور مۇمكىندىك بەرەدى دەپ سەنەمىز، - دەدى دەپۋتات.

ەسكە سالساق، اقتاۋدا ت م د- دا تەڭدەسى جوق اۋە حابىن قۇرۋ جوسپارلانىپ وتىر.

اۆتور

رۋسلان عابباسوۆ

سوڭعى جاڭالىقتار