اقتاۋ قالاسى اكىمىنىڭ ورىنباسارى كاسىپكەرلىكپەن اينالىسقانى ءۇشىن ايىپپۇل ارقالادى
اقتاۋ قالاسى اكىمىنىڭ ورىنباسارى كاسىپكەرلىكپەن اينالىسقانى ءۇشىن 483 مىڭ تەڭگە ايىپپۇل تولەيدى. بۇل تۋرالى قوعامدىق كوممۋنيكاتسيالار قىزمەتىندە وتكەن بريفينگتە سىبايلاس جەمقورلىققا قارسى قىزمەتتىڭ ماڭعىستاۋ وبلىسى بويىنشا دەپارتامەنتىنىڭ باسشىسى شامۇرايت شامەنوۆ ءمالىم ەتتى، دەپ حابارلايدى قازاقپارات ءتىلشىسى.
"اعىمداعى جىلدىڭ باسىنان بەرى دەپارتامەنت 30 اكىمشىلىك حاتتاما جاسادى. ولاردىڭ قارالۋ قورىتىندىسى بويىنشا بيۋدجەتكە 10 ميلليون تەڭگە كولەمىندە ايىپپۇل تولەندى»، - دەدى دەپارتامەنت باسشىسى شامۇرايت شامەنوۆ.
اقتاۋ قالاسى اكىمىنىڭ ورىنباسارى قولدانىستاعى شەكتەۋلەر تۋرالى بىلە تۇرا، كاسىپكەرلىكپەن اينالىسقان. ول اكىمشىلىك قۇقىق بۇزۋشىلىق تۋرالى كودەكستىڭ 154-بابىنىڭ (قازاقستان رەسپۋبليكاسىنىڭ زاڭناماسىمەن بەلگىلەنگەن تۇلعانىڭ كاسىپكەرلىك قىزمەتپەن اينالىسۋى) تالاپتارىن بۇزا وتىرىپ، جۇزەگە اسىرعان. سوندىقتان وعان 483 مىڭ تەڭگە كولەمىندە ايىپپۇل سالىنعان.
