اقنار گۇلستان ىسىندەگى بەينەجازبالار ساراپتاماعا جىبەرىلدى

استانا. KAZINFORM - ىشكى ىستەر مينيسترىنىڭ ورىنباسارى سانجار ءادىلوۆ تۇسىنىكسىز جاعدايدا قايتىس بولعان اقنار گۇلستان ءىسى تۋرالى پىكىر ءبىلدىردى.

- جەدەل تەرگەۋ توبى قۇرىلدى. جابىرلەنۋشى تاراپتىڭ بۇكىل ءۋاجى تولىق كولەمدە تەكسەرىلىپ جاتىر. جەكە ءوزىم وسى ءىستى ەرەكشە باقىلاۋدا ۇستاپ وتىرمىن. تەرگەۋ امالدارىن باستان-اياق ءوزىم باقىلاپ كەلەمىن، - دەدى سانجار ءادىلوۆ ءماجىلىستىڭ جالپى وتىرىسىنان كەيىن.

سونداي-اق، ول تاراپتار جاريالاعان بەينەجازبالاردىڭ ءبارى ساراپتاماعا الىنعانىن اتاپ ءوتتى.

- بەينەجازبالارعا كەلسەك، قىلمىستىق ءىستى تەرگەۋ اياسىندا الىنعان بەينەجازبالاردىڭ بارىنە بەينەفونوگرافيالىق ساراپتاما تاعايىندالدى. قىلمىستىق ءىس كەزىندە العان بەينەجازبانىڭ ءبارىن تىڭعىلىقتى ساراپتايمىز. بۇل ءىس بويىنشا بىرنەشە كۋاگەر بار. قازىر ءتيىستى تەرگەۋلەر جۇرگىزىلىپ جاتىر. قىزداردان قورعانۋعا حاقىلى كۋاگەر رەتىندە جاۋاپ الىندى. قازىر سولاردىڭ قاتىسۋىمەن تەرگەۋ ءجۇرىپ جاتىر، - دەدى سانجار ءادىلوۆ.

ايتا كەتەيىك، اقنار گۇلستان ەسىمدى تۇرعىن كوپقاباتتى ۇيدەن قۇلاپ قايتىس بولعاننان كەيىن مارقۇمنىڭ اناسى الەۋمەتتىك جەرى ارقىلى سول ءتۇنى قىزبەن بىرگە بولعان قۇربىلارىن كۇدىكتى رەتىندە ىسكە تارتۋدى تالاپ ەتكەن.

سونىمەن قاتار الماتى پوليتسياسى اقنار ولىمىنە بايلانىستى تەرگەۋ جۇرگىزىپ جاتقانى تۋرالى جازعان ەدىك.

اۆتور

ەسىمجان ناقتىباي