اقمولالىقتار بيىل ناۋرىز مەيرامىن ەرەكشە ناقىشتا تويلايدى

наурыз
Фото: Александр Павский/Kazinform

كوكشەتاۋ. KAZINFORM - اقمولا وبلىسىندا ناۋرىز مەيرامى جاڭاشا، ەرەكشە ناقىشتا تويلانادى. ناۋرىز مەيرامىن تويلاۋدىڭ جاڭا تۇجىرىمداماسىنا سايكەس، 14-23-ناۋرىز ارالىعىندا وتكىزىلەتىن ناۋرىزناما ونكۇندىگى اياسىندا ءار كۇن بەلگىلى ءبىر تاقىرىپقا ارنالادى.

اقمولا وبلىسى مادەنيەت باسقارماسىنىڭ مالىمەتىنشە، 14-ناۋرىز - «كورىسۋ كۇنى» («امال» مەرەكەسى) ءداستۇر بويىنشا كورشىلەرگە سالەم بەرەتىن ۋاقىت.

بۇل كۇنى العاش رەت سولتۇستىك قازاقستان جانە اقمولا وبلىسىنىڭ مادەنيەت مايتالماندارى، مادەنيەت قايراتكەرلەرى ۇزاق قىستان امان-ەسەن شىققانىنا قۋانىپ، ءبىر-بىرىمەن قول الىسادى.

اقان سەرى اتىنداعى سولتۇستىك قازاقستان وبلىستىق فيلارمونياسىنىڭ «ادەمى-اۋ» بي ءانسامبلى، سوليستەرى عالىمجان نۇرپەيىسوۆ، ەركەبۇلان كارىپوۆ جانە ۇكىلى ىبىراي اتىنداعى اقمولا وبلىستىق فيلارمونياسىنىڭ «ايناكول» فولكلورلىق ءانسامبلى، حالىقارالىق بايقاۋلاردىڭ لاۋرەاتى «گاككۋ» بي ءانسامبلى ۇجىمدارى وبلىس شەكاراسى اۋماعىندا كەزدەسۋ وتكىزەدى.

14-20-ناۋرىز كۇندەرى «ريو» ساۋدا ويىن-ساۋىق ورتالىعىندا كرەاتيۆتى يندۋستريانى قولداۋعا باعىتتالعان تۇڭعىش رەت «عاسىرلار ءۇنى» جوباسى اياسىندا وبلىستىڭ حالىقتىق فولكلورلىق انسامبلدەرىنىڭ كونسەرتى مەن «كوشپەندىلەر مۇراسى» open space ايماعى ۇيىمداستىرىلادى.

جەتەكشى كرەاتورلاردىڭ قاتىسۋىمەن ءساندى-قولدانبالى ونەر شەبەرلەرىنىڭ كورمەسى مەن جاپپاي ساتىلىمدار جوسپارلانىپ وتىر.

كونسەرتتىك باعدارلامانى 25 جىلدىق تاريحى بار، رەپەرتۋارى وتە باي، حالىقارالىق جانە رەسپۋبليكالىق بايقاۋلاردىڭ لاۋرەاتى، «كوكشەتاۋ» مادەنيەت سارايىنىڭ «كەربەز سۇلۋ» فولكلورلىق ءانسامبلى اشادى.

شىعارماشىلىق كورمەنى «گرانات» شىعارماشىلىق ستۋدياسىنىڭ جەتەكشىسى انار ساتتىبايەۆا (قىش ىدىس بۇيىمدارى)، دومبىرا جاساۋ شەبەرى سامات قادرالين، اعاش بۇيىمدار ىدىس-اياقتار شەبەرى رۋسلان امانجولوۆ، ۇلتتىق ىدىس-اياقتار شەبەرى ارمان نوعايبايەۆ، ۇلتتىق باس كيىمدەر جاساۋ شەبەرى شىنار دوسماعامبەتوۆا، كيىزدەن اياق كيىمدەر جاساۋ شەبەرى الما كاكىموۆا، تەرى بۇيىمدار جاساۋ شەبەرى رۋستام ياكوۆليەۆ، زەرگەر رۇستەم ءشارىپوۆ، كيىز باسۋ شەبەرى گۇلنار ورىنبايەۆا، كيىزدەن كارتينا جاساۋ شەبەرى ۆەرا فريزەن، قۇراق كورپە جاساۋ شەبەرلەرى ۇلجالعاس قارىمساقوۆا، شىنار مۇقانوۆا، الاشا توقۋ شەبەرى كەنجەباي سماعۇل، كيىزدەن دەكوراتيۆتى بۇيىمدار جاساۋ شەبەرى ۇلبولسىن احمەدوۆا ۇسىنادى.

وسى جىلى قازاقستاننىڭ تانىمال كومپوزيتورى سىدىق مۇحامەدجانوۆتىڭ تۋعانىنا 100 جىل تولىپ وتىر. ۇكىلى ىبىراي اتىنداعى اقمولا وبلىستىق فيلارمونياسى مەرەيتوي يەسىنە ارنالعان «رومانتيكا رومانسا» رومانس كەشىنە شاقىرادى.

كەش قوناعى - ق ر ەڭبەك سىڭىرگەن قايراتكەرى راۋشان بەسكەمپىروۆا.

15-ناۋرىز - قايىرىمدىلىق كۇنىنە وراي وبلىستىق مادەنيەت مەكەمەلەرى، «كوكشەتاۋ» مادەنيەت سارايىنىڭ «ون التى قىز»، «شالقىما»، «كوكشەتاۋ» حالىقتىق بي انسامبلدەرى، «كەربەز سۇلۋ» فولكلورلىق ءانسامبلى مۇمكىندىگى شەكتەۋلى جاندارعان ارنالعان قايىرىمدىلىق كونسەرتتەرىن وتكىزەدى.

اقمولا وبلىستىق تاريحي- ولكەتانۋ مۋزەيى «شانس» قوعامدىق بىرلەستىگىنىڭ بالالارىنا مۋزەي زالدارى بويىنشا تەگىن ەكسكۋرسيا جۇرگىزسە، تاريحي- مادەني مۇرانى قورعاۋ جانە پايدالانۋ ورتالىعى «ايالاۋ» ورتالىعىندا قايىرىمدىلىق اكتسياسىن وتكىزەدى.

قايىرىمدىلىق اكسياسى اياسىندا ورتالىق تاربيەلەنۋشىلەرىنە ءتاتتى سىيلار تارتۋ ەتىلەدى.

وبلىستىق تەاترلاردا كىشكەنتاي بۇلدىرشىندەرگە ارنالعان «ناۋرىز- بازارلىق» ماۋسىمى «قاڭباق شال» ەرتەگىسى جانە «ءاز-ناۋرىز» ويىن-ساۋىق باعدارلاماسىنىڭ، «ەي، دەتۆورا، ناۋرىز ۆسترەچات پورا!» اتتى ينتەراكتيۆتى- ويىن باعدارلاماسى اياسىندا قايىرىمدىلىق قويىلىمى تەگىن ساحنالانادى.

قويىلىم ۋاقىتى: ساعات 11:00- 16:00.

ۇكىلى ىبىراي اتىنداعى اقمولا وبلىستىق فيلارمونياسىنىڭ «گاككۋ» بي ءانسامبلى «شاقىرادى كوكتەم» اتتى قايىرىمدىلىق كونسەرتىن وتكىزىپ، تۇسكەن قاراجاتتى قايىرىمدىلىق قورىنا اۋدارادى.

16-ناۋرىز - مادەنيەت جانە ۇلتتىق سالت- ءداستۇر كۇنىنە ادەبيەت جانە ونەر مۋزەيى ساعات 10:00- دە «اق باتا - اسىل مۇرا» باتاگويلەر بايقاۋىن،

وبلىستىق حالىق شىعارماشىلىق جانە مادەني دەمالىس ورتالىعى ساعات 11:00- دە «بەسىككە سالۋ» سالت- داستۇرىنەن، «كوكشەتاۋ» م س وتباسىلىق قۇندىلىقتاردى ناسيحاتتاۋ اياسىندا ساعات 12:00- دە «ادەپتى كەلىن - وتباسى كوركى» وبلىستىق بايقاۋىن وتكىزەدى. بايقاۋعا اقمولا وبلىسىنىڭ اۋداندارى مەن قالالارىنان 20-دان استام جاس كەلىندەر قاتىسادى.

اقمولا وبلىستىق تاريحي-ولكەتانۋ مۋزەيى قازاقتىڭ سۋىرىپ سالما ونەرى «ناۋرىزناما» جىر ارناۋ بايقاۋىن جانە وبلىستىق حالىق شىعارماشىلىق جانە مادەني دەمالىس ورتالىعىمەن بىرلەسىپ ونلاين ايتىسىن وتكىزەدى.

سونىمەن قاتار، ش. قۇسايىنوۆ اتىنداعى قازاق-مۋزىكالىق دراما تەاترى مەن تاريحي-مادەني مۇرانى قورعاۋ ورتالىعى بالالار ەرتەڭگىلىكتەرى كورەرمەندەرىنە ساعات 10:00، 12:00، 14:00-16:00- دە «اسىق اتۋ» ۇلتتىق ويىنىنان كورىنىستەر ۇسىنادى.

17-ناۋرىز - شاڭىراق كۇنىنە وراي وبلىستىق حالىق شىعارماشىلىق جانە مادەني دەمالىس ورتالىعى «اتام مەن اجەم» وبلىستىق بايقاۋ- فەستيۆالىن ۇيىمداستىرادى.

ناۋرىزنامانىڭ 18-ناۋرىز - ۇلتتىق كيىم كۇنى ۇلتتىق كيىمدەردى، ۇلتتىق قۇندىلىقتاردى تانىمال ەتۋ ماقساتىندا «ريو» ساۋدا ويىن-ساۋىق ورتالىعىندا open space كرەاتيۆتى الاڭىندا جەتەكشى ديزاينەرلەردىڭ قاتىسۋىمەن «بالقاديشا» ۇلتتىق كيىمدەر شەرۋى (دەفيلە) وتەدى.

ەرەيمەنتاۋ اۋدانىندا اقىن، ءانشى، يمپروۆيزاتسيالىق ونەر شەبەرى، قازاق ك س ر ەڭبەك سىڭىرگەن مادەنيەت قايراتكەرى مۇسا اسايىنوۆتىڭ 95 جىلدىعىنا ارنالعان «بالا اقىن - جاس دارىن» وبلىستىق وقۋشىلار ايتىسى، ادەبيەت جانە ونەر مۋزەيىندە ستۋدەنتتەر اراسىندا «ناۋرىز ناقىشتارى» قىلقالام شەبەرلەرى بايقاۋى وتەدى.

20-ناۋرىز - ۇلتتىق سپورت كۇنى وبلىستىق تاريحي-ولكەتانۋ مۋزەيىندە «اتادان ۇل تۋمايدى ونداي ساباز» اتتى ۇلتتىق ويىنداردان شەبەرلىك ساعاتى، الەمدىك كۇنتىزبەلەردى زەرتتەگەن كەڭەستىك عالىم مىڭباي ىسقاقوۆقا ارنالعان «حالىق جىل ساناۋىنىڭ تاريحي نەگىزدەرى جانە ەرەكشەلىكتەرى» اتتى دوڭگەلەك ۇستەل، م. جۇمابايەۆ اتىنداعى اقمولا وبلىستىق امبەباپ عىلىمي كىتاپحاناسى «قاجىمۇقان» سپورتتىق-ساۋىقتىرۋ كەشەنىندە «جۇزدەن جۇيرىك» اتتى ۇلتتىق ويىنداردان جارىس (اسىق، توعىزقۇمالاق) وتەدى.

21-ناۋرىز - ىنتىماق كۇنىنە وراي مادەنيەت مەكەملەرىمەن جاقىن جانە الىس شەتەلدەردىڭ جەتەكشى شەبەرلەرىنىڭ تىكەلەي ەفيردە قۇتتىقتاۋ مەرەكەلىك ەستافەتاسى ۇيىمداستىرىلادى.

سونىمەن قاتار، قالانىڭ «جايلاۋ»، «سارى ارقا»، «بىرلىك»، «اۆتوگورودوك» «تەمىر جول» بەكەتى شالعاي شاعىن اۋداندارى، «كوكشەتاۋ» م س جانە «دوستار» م س الاڭدارىندا جانە وبلىستىڭ بارلىق اۋداندارى مەن قالالارىندا «كوكشەتاۋ» م س، ۇكىلى ىبىراي اتىنداعى اقمولا وبلىستىق فيلارمونياسىنىڭ شىعارماشىلىق ۇجىمدارى «جاراپازان» كوشپەلى كونسەرتتىك باعدارلامالارى وتەدى.

22-ناۋرىز - جىل باسى كۇنى كوكشەتاۋ قالاسىنىڭ الاڭدارى جاڭا ناقىشتا بەزەندىرىلىپ، العاش رەت 3 اۋىل تىگىلەدى: قازاق حالقىنىڭ ايگىلى ءانشى- كومپوزيتورى، اقىن ءبىرجان سالدىڭ 190 جىلدىعىنا ارنالعان ءبىرجان سال اۋىلى، قازاقتىڭ حالىق كومپوزيتورى، اتاقتى پالۋان، سپورتشى بالۋان شولاقتىڭ 160 جىلدىعىنا ارنالعان بالۋان شولاق اۋىلى جانە قولونەرشىلەر اۋىلى.

«ابىلاي حان» الاڭىندا بوي تىككەن 16 كيىز ۇيلەردە قازاق حالقىنىڭ ۇمىت قالعان سالت-داستۇرلەرىنەن كورىنىستەر ۇسىنىلادى.

ءبىرجان سال اۋىلى قالا تۇرعىندارى مەن قوناقتارىن «ناۋرىز - كوكتەم، جىر دۋمان!» اتتى اۋقىمدى تەاترلانعان قويىلىمىنا شاقىرادى.

الاڭدا 200-دەن استام دومبىراشىلار قاتىسۋىمەن جانە بيشىلەردىڭ قاتىسۋىمەن حورەوگرافيالىق كومپوزيتسيا، قازاقستاننىڭ ەسترادا جۇلدىزدارى «جىگەر» توبى، ق ر ۇلتتىق ۇلانىنىڭ ءان- بي ءانسامبلى، «استانا جاستار تەاترى» ونەر كورسەتەدى.

بالۋان شولاق اۋىلى ورنالاسقان «تاۋەلسىزدىك» الاڭىندا قازاق كۇرەسى، توعىز قۇمالاق، ارقان تارتۋ جانە باسقا دا كوپتەگەن ۇلتتىق ويىندار مەن سپورتتىق ءىس-شارالارى وتەدى.

ناۋرىز مەيرامىن مەرەكەلەۋ اياسىندا تۇڭعىش رەت قوس الاڭدى جالعاستىرۋشى اباي كوشەسى بويىمەن «قولونەرشىلەر اۋىلى» ورنالاسادى. ءىس- شارالار اياسىندا كوشپەلى مادەنيەتى كورمەلەرى مەن قولونەرشىلەر جارمەڭكەلەرى وتەدى.

23-ناۋرىز - تازارۋ كۇنى وبلىس توڭىرەگىندە جالپىۇلتتىق ەكولوگيالىق اكسياسى وتەدى.

ناۋرىز مەيرامىن مەرەكەلەۋ اياسىندا ش. قۇسايىنوۆ اتىنداعى قازاق-مۋزىكالىق دراما تەاترىندا ءازىل-سىقاق ارالاس دۋماندى باعدارلاما وتەدى.

اۆتور

اسلان وسپانوۆ

سوڭعى جاڭالىقتار