اقمولا وبلىسىندا ءبىرقاتار جولداردى سۋ باستى
كوكشەتاۋ. KAZINFORM - اقمولا وبلىسىنىڭ زەرەندى اۋدانىندا ءبىرقاتار جولداردى سۋ باستى. ەرىگەن قار سۋىنىڭ تاسقىنى تۇسىرىلگەن ۆيدەولار الەۋمەتتىك جەلىدە تاراپ جاتىر.
««كوكشەتاۋ- اتباسار- اقادىر» جانە اقادىر- ەسكەنەجال» اۋداندىق ماڭىزى بار اۆتوموبيل جولدارىندا سۋ تاسقىنى بولىپ جاتىر. وسىعان بايلانىستى، اتالعان اۆتوجولداردا كولىك قوزعالىسىن شەكتەۋدى سۇرايمىز. سۋ ازايعان كەزدە جول توسەمىن قالپىنا كەلتىرۋ شارالارى قولدانىلاتىن بولادى»، - دەلىنگەن زەرەندى اۋدانى اكىمدىگىنىڭ جەلىدەگى پاراقشاسىندا.
سونىمەن بىرگە، جاماناشى ەلدى مەكەنى ارقىلى وتەتىن «كوكشەتاۋ- پەتروپاۆل» تاس جولىندا ەگىستىكتەردە ەرىگەن قاردىڭ سۋى بايقالادى. قازىرگى ۋاقىتتا بۇل اۋماقتا ۇيلەردى سۋ باسۋ قاۋپى جوق. سۋ باسۋ قاۋپى تۋىنداعان جاعدايدا زەرەندى اۋدانىنىڭ ديسپەتچەرلىك قىزمەتىنە 21570 تەلەفونى ارقىلى حابارلاسۋعا بولادى.
ايتا كەتسەك، بۇدان بۇرىن اقمولا وبلىسىنىڭ ءبىرقاتار ەلدى مەكەنىندە سۋ سورۋ جۇمىستارى جۇرگىزىلىپ جاتقانىن جازعان ەدىك.
اۆتور
اسلان وسپانوۆ
