اقمولا وبلىسىندا ايەل جەتى ايلىق سابيىمەن تەرەزەدەن قۇلاپ كەتتى
استانا. KAZINFORM - اناسى دا، ءسابيى دە العان جاراقاتتارىنان وقيعا ورنىندا كوز جۇمدى، دەپ حابارلايدى Kazinform اگەنتتىگىنىڭ ءتىلشىسى.
قايعىلى وقيعا ستەپنوگورسك قالاسىنداعى كوپقاباتتى ۇيلەردىڭ بىرىندە بولدى. تۋىستارىنىڭ ۇيىندە بولعان ايەل جەتىنشى قاباتتاعى تەرەزەدەن جەتى ايلىق قىزىمەن بىرگە قۇلاپ كەتكەن. العان جاراقاتتارىنان، ەكەۋى دە وقيعا ورنىندا كوز جۇمدى.
- ستەپنوگورسك قالاسىندا تۋىستارىنىڭ پاتەرىنىڭ تەرەزەسىنەن ايەل مەن ونىڭ كىشكەنتاي قىزىنىڭ قۇلاۋ فاكتىسى بويىنشا سوتقا دەيىنگى تەرگەۋ باستالدى. وقيعانىڭ بارلىق ءمان-جايىن انىقتاۋعا باعىتتالعان قاجەتتى شارالار جۇرگىزىلىپ جاتىر. ق پ ك- ءنىڭ 201-بابىنا سايكەس وزگە اقپارات جاريا ەتۋگە جاتپايدى، - دەپ مالىمدەدى اقمولا وبلىستىق پوليتسيا دەپارتامەنتىنىڭ باسپا ءسوز قىزمەتى.
بۇعان دەيىن پاۆلوداردا اناسىمەن تەرەزەدەن لاقتىرىلىپ كەتكەن بالانىڭ اۋرۋحانادان شىعارىلعانى حابارلانعان بولاتىن.
