اقمولا وبلىسىندا 15 كولىك جول اپاتىنا ۇشىرادى
اقمولا وبلىسىندا استانا - پەتروپاۆل تاسجولىنىڭ بويىندا 15 كولىك سوقتىعىستى. ءتارتىپ ساقشىلارى بولعان وقيعانىڭ ءمان-جايىن انىقتاپ جاتىر، دەپ حابارلايدى Kazinform.
وڭىرلىك پوليتسيا دەپارتامەنتى باسپا ءسوز قىزمەتىنىڭ حابارلاۋىنشا، جول اپاتى 2-قاڭتار كۇنى استانا - پەتروپاۆل تاسجولىنىڭ 216-شى كيلومەترىندە بولعان. وقيعا تۋرالى حابار بۋراباي اۋدانىنىڭ پوليتسيا بولىمىنە ساعات 15:53 تە تۇسكەن.
«وقيعا ورنىنا جەتكەن پوليتسيا قىزمەتكەرلەرى ءبىر مەزگىلدە 15 شاقتى كولىكتىڭ اپاتقا ۇشىراعانىن انىقتادى. قۇربان بولعاندار جوق. 37 جاستاعى ەر ادام، 33 تەگى ايەل جانە 9 جاسار بالا ءتۇرلى جاراقاتتارىمەن ماكينسك اۋرۋحاناسىنا جەتكىزىلدى. زارداپ شەككەندەر ەشتەڭەگە شاعىمدانبادى»، - دەلىنگەن ۆەدومستۆو حابارلاماسىندا.
پوليتسيا قىزمەتكەرلەرى Mitsubishi كولىگىنىڭ يەسى 69 جاستاعى ايەلگە، Suzuki Vitara كولىگىنىڭ 34 جاستاعى جۇرگىزۋشىسىنە ق ر ق ك-نىڭ 610-بابى (كولىك جۇرگىزۋشىلەرىنىڭ ادامداردىڭ دەنساۋلىعىنا زاردابىن تيگىزىپ، كولىك نەمەسە وزگە مۇلكىن بۇلدىرۋگە الىپ كەلگەن جول ەرەجەسىن بۇزۋ) بويىنشا اكىمشىلىك حاتتاما تولتىرىلدى.
