اقشا تۋرالى اڭىز بەن شىندىق

استانا. قازاقپارات - امەريكادا «اقىلدى بولساڭ، نەگە باي ەمەسسىڭ؟» دەگەن ماتەل بار ەكەن. بەس سوزدەن قۇرالعان ماتەلدىڭ استارىندا كوپ دۇنيە جاتقانداي. تابىس پەن اقشانىڭ كوزى قارا كۇشتە ەمەس، ۇتىمدى جۇزەگە اسىرىلعان جوسپاردا. ياعني اقىلدا.

ولاي بولسا تومەندەگى بىرنەشە اڭىزدى وقىپ، باي بولىڭىزدار:

 1-اڭىز: ماماندىعىمدى اۋەل باستا دۇرىس تاڭداعانىمدا باي بولاتىن ەدىم.

شىندىق: كەز كەلگەن سالادا ءجۇرىپ ميلليونەر بولۋعا بولادى. بارلىق ايىپتى تاڭداۋ مەن ماماندىققا جابا سالۋعا بولمايدى. بار بولعانى قولدا بار ماماندىقتىڭ قىر-سىرىن يگەرۋ كەرەك.

2-اڭىز: ەگەر اتا-انام باي بولعاندا، مەن دە تابىستى بولاتىن ەدىم.

شىندىق: تاريحقا كوز جۇگىرتسەك، ەڭ باي ادامدار كەدەي وتباسىدان شىققان. كەيبىرى ورتا اۋقاتتى وتباسىنان شىققان. باي وتباسىلاردىڭ وزدەرى دە اقشانى تيىنداپ جيناپ، ورنىمەن جۇمساۋعا ءماجبۇر بولعان.

3-اڭىز: مەكتەپ قابىرعاسىندا جاقسى وقىعانىمدا، اقشانى كوپ مولشەردە تاباتىن ەدىم.

شىندىق: كوز - قورقاق، قول - باتىر. ءدارىس تىڭداي بەرگەنشە، تىكەلەي ىسكە كوشۋدىڭ ماڭىزى زور. ستاتيستيكالىق مالىمەتتەرگە سۇيەنسەك، باي ادامداردىڭ اراسىندا وزات وقۋشىلار از.

4-اڭىز: اتتەڭ، مۇمكىندىكتەرىمدى جىبەرىپ الدىم، ايتپەسە باي بولاتىن ەدىم.

شىندىق: باي ادامدار جاستىق شاعىندا باقىتتى بولعان جاندار دەپ ايتۋ قيىن. ولار تابىستى بولۋ ءۇشىن بارىن سالعان. تابىس پەن مۇمكىندىكتى كۇتۋدىڭ قاجەتى جوق، ولاردى ءوزىمىز جاساۋىمىز كەرەك.

5-اڭىز: مەملەكەتىمنىڭ ەكونوميكالىق جاعدايى جاقسى بولعاندا، مەن دە باي بولاتىن ەدىم.

شىندىق: كەز كەلگەن مەملەكەتتە، كەز كەلگەن قوعامدا ميلليونەرلەر بار. ياعني اقشا بارلىق جەردە.

6-اڭىز: اي سايىن جالاقىمدى كۇتىپ وتىراتىن وتباسىم نەمەسە مەملەكەتتىك قىزمەتىم بولماعاندا مەن ميلليونەر بولاتىن ەدىم.

شىندىق: ماسەلە جاۋاپكەرشىلىكتە ەمەس، سول جاۋاپكەرشىلىككە قالاي قارايتىندىعىڭىزدا. سىزگە اقشانى ۇنەمدەپ ۇيرەنۋ كەرەك.

7-اڭىز: قازىر جىلدام بايۋعا كومەكتەسەتىن جۇمىستار از.

شىندىق: ءسىز قاتەلەسەسىز. بۇگىنگى تاڭدا ونداي مۇمكىندىكتەر وتە كوپ.

8-اڭىز: ءوزىم جالعىز ميلليونەر اتانۋىم قيىن. ەگەر مەملەكەت پەن وتباسىم باستاپقى جولدا كومەكتەسىپ جىبەرسە، مەن مىندەتتى تۇردە بايۋشى ەدىم.

شىندىق: ءسىزدىڭ باسىڭىزدا كەز كەلگەن جاعداي بولۋى مۇمكىن. جۇمىستان شىعىپ، وتباسىڭىز سىزدەن باس تارتۋى مۇمكىن. سوندىقتان دا تابىسىڭىز ءۇشىن ءسىز عانا جاۋاپ بەرەسىز.

9-اڭىز: قولىمدا كوپ اقشام بولسا، ۇلكەن ءىس باستاۋشى ەدىم.

شىندىق: تەڭىز دە تامشىدان قۇرالادى. بارلىعىن كىشكەنتايدان باستاڭىز. كۇتكەن ادامداردىڭ بارلىعىنىڭ ءۇمىتى اقتالا بەرمەيدى. سول سەبەپتى ۋاقىتتى جوعالتپاي، ارەكەتتى ءدال قازىر باستاڭىز.

10-اڭىز: اقشانى تەك اۋىر جۇمىستار ىستەۋ ارقىلى تابۋعا بولادى.

شىندىق: جەر بەتىندە اۋىر جۇمىستى كەدەي ادامدار جاسايدى. بايلار اقىل-پاراساتىمەن عانا جۇمىس ىستەيدى.

11-اڭىز: اقشا تابۋ ءۇشىن كوپ اقشا كەرەك.

شىندىق: اقشا بار بولعانى مۇمكىندىككە جارماسىپ قالۋ ءۇشىن قاجەت.

12-اڭىز: جاقسى جۇمىس بايلىققا جەتكىزەدى.

شىندىق: جۇمىس - ۋاقىتشا تابىس كوزى عانا. ءسىز اقشا ءۇشىن ەمەس، اقشا ءسىز ءۇشىن جۇمىس ىستەۋى قاجەت. سوندىقتان قاي سالادا جۇرسەڭىز دە، جەكە بيزنەسىڭىزدى اشۋعا ۇمتىلىڭىز.

دايىنداعان: قارلىعا بۇيەنباي

massaget.kz