اقشا ۇنەمدەۋدە جالپىعا ورتاق جەتى ەرەجە
استانا. قازاقپارات - قولدا بار قارجىنى ۇقساتۋدا ساراپشىلاردىڭ ۇسىنار جالپىعا ورتاق جەتى ەرەجەسى دە بار. كوڭىلگە قونىمدى، ەستە ساقتاۋعا ىڭعايلى بۇل ەرەجەلەر كەز كەلگەننىڭ ءاميانىنداعى قارجىسىن ۇنەمدەۋ ءۇشىن اسا قاجەت. ەندەشە تومەندەگى قاعيدالارعا نازار اۋدارىپ كورەلىك:
1. ءوتىنىش ءۇشىن اقشا المايدى
ءوزىڭىز ءۇشىن بارلىق جەردە جانە ءارقاشان ساۋدالاسۋدى ەرەجەگە اينالدىرىڭىز. شەگەرىمدەر جاساۋدى سۇراڭىز: ءبىر جەردە سىزگە جاساۋى مۇمكىن. قورىقپاڭىز: سۇراعانىڭىز ءۇشىن اقشا المايدى. جانە كۇماندانباڭىز.
2. ءبىلىم - كۇش
ءوزىمىز ساتىپ الاتىن تاۋار تۋرالى بىز دە ءبىر نارسەلەردەن حاباردار بولۋىمىز كەرەك. اسىرەسە، ونىڭ باعاسى تىم قىمبات بولسا. تاۋاردى الۋعا كەلگەندە، ونىڭ باعاسىن ءبىلىپ كەلگەنىمىز ابزال. دەمەك، ءبىزدىڭ تاۋار تۋرالى تۇسىنىگىمىز بولۋى كەرەك، ولاردىڭ دۇكەندەردە بار بولۋى، قاي دۇكەندە باعاسى قانداي دەگەن سياقتى. كەيدە ءبىر زاتتى الىپ، ونى دوسىڭا ماقتانىپ كورسەتەسىڭ، ودان كەيىن ءبىر بۇرىشتا ونىڭ ەكى ەسە ارزان باعاعا ساتىلىپ جاتقانىن كورەسىڭ. مۇنى تالاي ادام باستان كەشىردى.
3. نەمقۇرايلى كوزقاراس - ول دا كۇش
ەشبىر جاعدايدا تاۋارعا قىزىعۋشىلىق تانىتپاڭىز. جاي عانا قاراپ، ساپاسىن باعالاڭىز. بۇل ورايدا ءوزىڭىزدىڭ كاسىپقويلىعىڭىزدى كورسەتىپ قويۋ ارتىق بولمايدى: ءسىزدىڭ بۇل تاۋار تۋرالى اقپاراتىڭىز بار، ءسىز نە ساتىپ الاتىنىڭىزدى بىلەسىز.
4. ديپلومات بولىڭىز
تاۋاردىڭ قوجايىنىمەن ساۋدالاسۋدا ادەپتىلىك ساقتاي وتىرىپ، مۇنى وڭاشادا جاساڭىز. بىرىنشىدەن، جۇرتتىڭ كوزىنشە ساۋدالاسقاندا باعانى ءتۇسىرۋ مۇمكىندىگىنەن اۆتوماتتى تۇردە ايىرىلاسىز، ەكىنشىدەن، ءسىز ءوزىڭىزدىڭ تاربيەلى جان ەكەنىڭىزدى كورسەتەسىز.
5. قاپتى اشامىز دا، ىشىنە نە سالعانىنا قارايمىز
شەگەرىمگە قول جەتكىزە وتىرىپ، ونىڭ ءسىزدىڭ ادال نيەتتى تۇتىنۋشى رەتىندەگى قۇقىڭىزدى كەمسىتپەيتىندىگىنە كوز جەتكىزىڭىز جانە ءبىر جاعدايلار بولسا، ونى قايتاراۋعا، ايىرباستاۋعا جانە كەپىلدىك قىزمەت كورسەتۋدى تالاپ ەتۋگە ءارقاشان مۇمكىندىگىڭىز بار.
6. اقشانىڭ ۇشىن كورسەت
ءوز تاۋارىڭىزدى كورسەتىڭىز. ءاميانىڭىزدى الىپ، اقشاڭىزدىڭ بار ەكەنىن كورسەتىڭىز. ول ازىرشە اقشانىڭ مىسى باسىپ، ەسىن جيعانشا بىلاي دەڭىز: «جوق، دەگەنمەن ءسىز قىمباتقا بەرىپ تۇرسىز، مەن ءالى دە ويلانىپ كورەمىن». نەمەسە: مەندە 12000 تەڭگە جوق، تەك 10 مىڭ تەڭگە عانا بار، ءسىزدىڭ تاۋارىڭىز ءۇشىن ونى بەرۋگە دايىنمىن» دەيسىز. مۇنداي امالدار كوبىنە جاقسى ناتيجە بەرەدى.
7.قوقان-لوقى ول دا تاكتيكا
ءسىز كەتىپ قالۋعا دايىن ەكەندىگىڭىزدى اڭعارتىڭىز. ەگەر ءسىزدى كەرى شاقىرىپ السا، شەگەرىم جاسالارىنا كۇماندانباڭىز.
تۇيىندەيمىز...
اقشا ىستەتۋدەگى فرەيد ساراڭدىعى
جالپى، مول قارجى تابۋ ادامعا ەركىندىك سىيلايدى. قازىرگى زامانعى قوعامدا اقشا بوستاندىقپەن تەڭەستىرىلەدى.
اقشا ءبىزدى كۇندەلىكتى كۇيبەڭ تىرلىكتەن بوساتاتىندىعى راس، الايدا اقشا وزدىگىنەن ارەكەت ەتە المايدى. ەرەسەك ادامنىڭ اقشاعا دەگەن قاتىناسى ونىڭ بالا كەزدەگى تالابىنا قاراي انىقتالاتىندىعىن ەڭ العاش بولىپ بايقاعان زيگمۋند فرەيد ەكەن. پسيحواناليتيكالىق تەورياعا سايكەس، بالالاردىڭ بارلىعى دەرلىك جەڭىلدىك پەن جاعىمدىلىقتى سەزىنەدى.
بالانى وتىرۋعا ۇيرەتۋ ءىسى ونىڭ ءوز تاۋەلسىزدىگى ءۇشىن كۇرەسكەن كەزىنە سايكەس كەلەدى. وسى پروسەدۋرا كوبىنە سوقتىعىستىڭ باسىنا اينالادى. مىسالى، فرەيد ىلىمىندە: بالا ايتقانىڭدى تىڭدادى ما، جارايسىڭ، مىنە ساعان، ءبىر كامپيت. وتىرمادىڭ با: ءما ساعان، شاپالاق. فرەيدتىڭ ويىنشا جۇرگىزىلگەن پسيحولوگيالىق ساراپتاۋ بالاعا وتىرۋدى ۇيرەتۋدىڭ اۋىر ءتاسىلىن كومپەنساتورلى ءتارتىپتىڭ كەلەسى تۇرلەرىمەن تىكەلەي بايلانىستىرادى: ساراڭ ادامنىڭ اقشانى جىمقىرىپ ۇستاۋى اتا-انانىڭ تالابى بويىنشا دەفەكاسيادان بالالىق باس تارتۋدىڭ سيپاتى رەتىندە قاراستىرىلادى. ال اقشانى شاشىپ ۇستايتىن ادام، كەرىسىنشە، اتا-اناسىنىڭ قالاۋىن ورىنداپ، سىيلىق الۋعا قۇلشىنعان بالاعا ۇقسايدى.
مىنە، قولىنداعى اقشانى جۇمىس ىستەتۋدە فرەيد وزىنە «شاپالاق «سىياپات» دەگەن تالاپ قويۋ ارقىلى بيىككە شىعىپتى. ول دەگەنىڭىز، اقشانى ورىندى جۇمساسا وزىنە سىياپات، ال ورىنسىز جۇمساسا جازعىرۋ شاپالاق كورسەتىپ وتىرعان. فرەيد ساراڭدىعىن قازىردە بيزنەستە جۇرگەن كاسىپكەرلەر كەڭىنەن قولدانادى. «مۇنى ۇيرەنە بىلسەڭ، قولداعى قارجىڭدى شاپالاق جەمەۋ ءۇشىن تەككە شاشپايسىڭ» دەيدى وتاندىق كاسىپكەرلەر. ەندەشە قولىڭىزداعى قارجى تەككە شاشىلماسىن دەسەڭىز ونى جۇمىس ىستەتە ءبىلىڭىز. سوندا وزىڭىزگە دەگەن سىياپاتىڭىز دا كوبىرەك بولادى.
اۆتور: قارلىعاش زارىققان قىزى
«الاش ايناسى» . 2013
