اقشا ايىرباستاۋ ورىندارىندا دوللار باعامى 540 تەڭگەدەن استى

الماتى. KAZINFORM - ەلىمىزدىڭ اقشا ايىرباستاۋ ورىندارىندا دوللار باعامى كۇرت ءوسىپ كەلەدى.

Kurs.kz مالىمەتىنشە، قازىرگى ۋاقىتتا الماتىنىڭ اقشا ايىرباستاۋ پۋنكتەرىندە دوللار 537,59 تەڭگەگە ساتىپ الىنادى جانە 540,80 تەڭگەگە ساتىلادى. ال ەلوردانىڭ اقشا ايىرباستاۋ ورىندارىندا دوللار 534,67 تەڭگەدەن ساتىپ الىنادى. ال شەتەلدىك ۆاليۋتانى الام دەۋشىلەرگە 541,68 تەڭگەگە ساتىلادى.

بۇگىن تاڭەرتەڭ الماتىدا دوللار 533,43-535,72 ارالىعىندا، استانادا 530,55- 537,55 ارالىعىندا ساۋدالانعان ەدى.
وتكەن اپتا ەلىمىزدىڭ اقشا ايىرباستاۋ ورىندارىندا دوللار باعامى كۇرت كوتەرىلىپ، 531-534 تەڭگەگە جەتكەنىن جازعانبىز.