اقپاراتتىق جۇيەسى ءجيى ىستەمەي قالادى: بەكتەنوۆ ح ق ك ورتالىقتارى قىزمەتىن سىنعا الدى
استانا. KAZINFORM - حالىققا قىزمەت كورسەتۋ ورتالىقتارىنىڭ جۇمىسىن جاقسارتۋ باعىتىندا ءبىرقاتار شارا قولعا الىندى.
بۇل تۋرالى «ازاماتتارعا ارنالعان ۇكىمەت» مەملەكەتتىك كورپوراتسياسى» ك ە ا ق باسقارما ءتوراعاسى ارمان كەنجەعاليەۆ ايتتى.
- حالىققا قىزمەت كورسەتۋ ورتالىقتارىنىڭ قىزمەتىنە شاعىم كوپ ءتۇسىپ جاتىر. اقپاراتتىق جۇيەلەرىنىڭ توقتاپ قالۋىنا قاتىستى سۇراقتار بار. وسى باعىتتا قانداي جۇمىس اتقارىلىپ جاتىر؟ - دەپ سۇرادى ولجاس بەكتەنوۆ ۇكىمەت وتىرىسىندا ارمان كەنجەعاليەۆتەن.
سپيكەر ءوز كەزەگىندە بۇل باعىتتا قانداي جۇمىستار اتقارىلىپ جاتقانىن مالىمدەدى.
- شىنىندا دا وسىنداي ماسەلە بار. ونى شەشۋ ءۇشىن ءبىز ءبىرقاتار جۇمىس اتقاردىق. ارنايى جۇيەلەردى ىسكە قوستىق. جۇيەگە دەرەكتەردى قولمەن ەنگىزۋ مۇمكىندىگىن جويدىق. سالىق جانە كەدەن ورگاندارىمەن ينتەگراتسيا ارقىلى ءتيىستى دەرەكتەردى الامىز. سىبايلاس جەمقورلىققا قارسى ءىس- قيمىل ورگاندارىمەن بىرگە مامانداندىرىلعان حالىققا قىزمەت كورسەتۋ ورتالىقتارىندا جۇمىستى جاقسارتىپ جاتىرمىز، - دەدى كەنجەعاليەۆ.
بۇعان دەيىن eGov ارقىلى كەدەرگى كەلتىرگەن كولىك يەلەرىنە انونيمدى حابارلاما جىبەرۋگە بولاتىنى حابارلاندى.
سونداي-اق، 7 مىڭنان اسا قازاقستاندىق جۇرگىزۋشى كۋالىگىن ەكى باتىرمانى باسۋ ارقىلى اۋىستىرعانى بەلگىلى بولدى.
