امەريكالىق مودۋل اي بەتىنە قوندى

استانا. قازاقپارات - Firefly Aerospace كومپانياسىنىڭ امەريكالىق Blue Ghost قونۋ مودۋلى اي بەتىنە قوندى. تىكەلەي ترانسلياتسيا ا ق ش- تىڭ اەروناۆتيكا جانە عارىش كەڭىستىگىن زەرتتەۋ جونىندەگى ۇلتتىق باسقارماسىنىڭ (NASA) سايتىندا جۇرگىزىلدى، دەپ حابارلايدى ت ا س س.

Blue Ghost قونۋ مودۋلى 15-قاڭتاردا فلوريدا شتاتىنداعى دجون كەننەدي اتىنداعى عارىش ورتالىعىنان SpaceX كومپانياسىنىڭ Falcon-9 زىمىرانىمەن ۇشىرىلعان بولاتىن. اي بەتىنە قونۋى ماسكەۋ ۋاقىتىمەن 11:36 دا جۇزەگە استى. وسىلايشا، جەردەن ايعا دەيىنگى ساپار عارىش اپپاراتى ءۇشىن شامامەن ءبىر جارىم ايعا سوزىلدى.

سالماعى 155 كەلىگە دەيىنگى پايدالى جۇكتەمەنى تاسىمالداۋعا قابىلەتتى قونۋ ءمودۋلى جەردىڭ سەرىگىنە NASA نىڭ 10 جۇگىن جەتكىزدى. بۇل جۇكتەر ءارتۇرلى عىلىمي ەكسپەريمەنتتەر جۇرگىزۋ ءۇشىن قاجەت، سونىڭ ىشىندە اي توپىراعىن جيناۋ جانە ايداعى ماگنيت ورىستەرىن زەرتتەۋ جوسپارلانعان. بۇعان قوسا، مودۋل جەر ماگنيتوسفەراسىنىڭ رەنتگەن سۋرەتتەرىن جاسايدى.

مودۋل اي بەتىندە شامامەن ەكى اپتا جۇمىس ىستەيدى دەپ جوسپارلانىپ وتىر.

Blue Ghost وتكەن جىلدان بەرى ايعا جەتكەن ەكىنشى امەريكالىق قونۋ اپپاراتى بولدى. 2024 -جىلدىڭ اقپانىندا Nova-C مودۋلى ايعا قونعان ەدى، الايدا قونۋ كەزىندە بولعان تەحنيكالىق اقاۋلاردىڭ سالدارىنان ونىڭ فۋنكتسيونالدىعى شەكتەلىپ، بار بولعانى ءبىر اپتاداي عانا جۇمىس ىستەگەن.

بۇعان دەيىن «پروگرەسس م س-30» كەمەسىن الىپ ۇشقان زىمىراننىڭ بايقوڭىردان ءساتتى ۇشىرىلعانى حابارلانعان.