امەريكالىق كوۆبويلار قازاقستاندىق شابوندازدارعا توتەپ بەرە المادى
استانا. KAZINFORM - استانادا ءوتىپ جاتقان V دۇنيەجۇزىلىك كوشپەندىلەر ويىندارىندا كوك بورىدەن ىرىكتەۋ ويىندارى ءوتىپ جاتىر.
امەريكالىق كوۆبويلارمەن تارتىسقا تۇسكەن قازاقستان قۇراما كومانداسى 18:0 ەسەبىمەن ويسىراتا ۇتتى.
«دايىندالعان تاكتيكامىز بويىنشا ويناپ شىقتىق. امەريكالىق قارسىلاستار قازاندىققا كوپ ۇيرەنبەگەندىكتەن ارتتا قالىپ قويدى. 7-8 جىلدان بەرى قازاندىقتا دايىندالىپ ءجۇرمىز. كوكپار مەن كوك ءبورىنىڭ كوپ ايىرماشىلىعى جوق، ءبىرى قازاندىقتا، ءبىرى جەردە وينالادى. كوك ءبورى دە قازاندىققا سوعىلىپ جاراقات كوپ الىپ جاتادى. الداعى نەگىزگى قارسىلاسىمىز ارينە قىرعىزستان كومانداسى. ولارمەن ويىنىمىز بۇگىنگى ويىننان وزگەشە بولادى دەپ ويلايمىن»، - دەيدى كوك بورىدەن ق ر قۇراماسىنىڭ كاپيتانى اسقار وڭعاربايەۆ.
كوك ءبورى - قىرعىز حالقىنىڭ جاۋىنگەرلىك ات سپورتى ونەرى. بۇل ويىنعا بىلەكتى دە جۇرەكتى جىگىتتەر مەنبەلدى اتتار ىرىكتەلەدى. جەڭىسكە جەتۋ ءۇشىن دە تۇلپار مەن سپورتشىنىڭ بىرلەسىپ ارەكەت ەتكەنى اسا ماڭىزدى. سەركەنى جەردەن الىپ ۇلگەرگەن شاباندوز دودانى جارىپ ءوتىپ، ونى قارسىلاس كوماندانىڭ قازاندىعىنا سالۋى كەرەك.
اۆتور
ريزابەك نۇسىپبەك ۇلى
