امەريكالىق كوۆبويلار قازاقستانعا كەلدى

امەريكالىق كوۆبويلار قازاقستانعا كەلدى. ولار دۇنيەجۇزىلىك كوشپەندىلەر ويىنىندا ەكىنشى رەت سىنعا تۇسكەلى وتىر. مۇحيتتىڭ ارعى بەتىنەن كەلگەن قوناقتاردى استانا اۋەجايىنا جينالعان ۇيىمداستىرۋشىلار مەن ەرىكتىلەر قۇشاق جايىپ كۇتىپ الدى.

ا ق ش- تىڭ اتىنان 8 ادام كەلگەن. ولار كوكپار مەن اۋدارىسپاقتان سىنعا تۇسەدى. الايدا امەريكادان ات اكەلۋ مۇمكىن بولماعاندىقتان، قازاقستاندىق تاراپ دايىنداعان ارنايى تۇلپارلارمەن جارىسقا قاتىسادى. ۇيىمداستىرۋشىلار جىلقىسىز كەلەتىن ەلدەرگە 300 ات ازىرلەپ قويعان.

مايك سەيبور، سپورتشى:

- مەن تەحاس شتاتىنان كەلدىم. كوكپارمەن، كوكبورىمەن 7 جىلدان بەرى اينالىسامىن. قازاقستاندىق كوكپارشىلاردى الەمدەگى ەڭ مىقتى سپورتشىلار دەپ بىلەمىن. وسىعان دەيىنگى سايىستاردا ءوز مىقتىلىعىن بىرنەشە رەت دالەلدەگەن. ەندى ويىندارعا دەيىن قالانى ارالاپ، جاتتىعىپ، ءتۇرلى ەكسكۋرسيالارعا بارماقشىمىز.

ا ق ش- تان بولەك ءۇندىستان، بانگلادەش، قاتاردان دا بىرنەشە سپورتشى كەلدى. باسىم بولىگى ات ۇستىندە ساداق تارتۋ، جامبى اتۋ سەكىلدى ويىن تۇرلەرىنەن سىنعا تۇسەدى.

بادر مۋباراك المارري، سپورتشى:

- قاتار ەلىنەن ءبىر ءوزىم كەلدىم. ساداق اتۋمەن اينالىسامىن. كوشپەندىلەر ويىنىنا ەكىنشى رەت قاتىسقالى وتىرمىن. وسىدان 2 جىل بۇرىن تۇركيادا وتكەن ويىنداردا باق سىنادىم. قازىرگى كوڭىل- كۇيىم كەرەمەت. الداعى جارىستا بارىنشا جوعارى دەڭگەيدە ونەر كورسەتىپ، بيىك تۇعىردان كورىنۋگە تىسىسامىن.

24kz