ەرلان قوشانوۆ AMANAT پارتياسىنىڭ ءتوراعاسى بولىپ سايلاندى

نۇر-سۇلتان. قازاقپارات - AMANAT پارتياسى XXIII سەزىنىڭ دەلەگاتتارى ق ر پارلامەنت ءماجىلىسىنىڭ ءتوراعاسى ەرلان قوشانوۆتى پارتيا ءتوراعاسى ەتىپ سايلاۋ تۋرالى ۇسىنىستى ءبىراۋىزدان قولدادى، دەپ حابارلايدى قازاقپارات ءتىلشىسى.
None

AMANAT پارتياسىنىڭ اتقارۋشى حاتشىسى اسحات ورالوۆ سەز دەلەگاتتارىنا ق ر پرەزيدەنت قاسىم-جومارت توقايەۆتىڭ ەرلان قوشانوۆتى پارتيا ءتوراعالىعىنا سايلاۋ تۋرالى ۇسىنىسىنا داۋىس بەرۋدى ۇسىندى.

داۋىس بەرگەندەر ءماجىلىس سپيكەرىنىڭ كانديداتۋراسىن ءبىراۋىزدان قولدادى.

«قۇرمەتتى ەرلان جاقان ۇلى، ءسىزدى بارلىق دەلەگاتتار اتىنان AMANAT پارتياسىنىڭ ءتوراعاسى بولىپ سايلانۋىڭىزبەن قۇتتىقتايمىز»، - دەدى اسحات ورالوۆ.

ايتا كەتەيىك، پرەزيدەنت قاسىم-جومارت توقايەۆتىڭ توراعالىعىمەن AMANAT پارتياسىنىڭ سەزى ءوتىپ جاتىر.

21- ساۋىردە پارتيانىڭ اتقارۋشى حاتشىسى اسحات ورالوۆ پرەزيدەنت وسى جىلدىڭ 26- ساۋىرىندە كەزەكتەن تىس XXIII سەزدى شاقىرۋ تۋرالى شەشىم قابىلداعانىن حابارلاعان ەدى.

وعان بارلىق وڭىرلەردەن دەلەگاتتار قاتىسادى. سەزد ونلاين فورماتتا وتەدى. سەزد بارىسىندا «ADAL» ساياسي پارتياسىنىڭ «AMANAT» پارتياسىنا قوسىلۋى تۋرالى ماسەلە قارالادى دەپ جوسپارلانعان.

بۇدان بۇرىن حابارلانعانداي، وتكەن اپتادا مەملەكەت باسشىسى «Amanat» پارتياسىنىڭ اتقارۋشى حاتشىسى اسحات ورالوۆتى قابىلدادى. پرەزيدەنتتىڭ پىكىرىنشە، پارتيانىڭ ايماقتىق فيليالدارى وسى ماسەلەدە نەگىزگى ءرول اتقارۋعا ءتيىس جانە ءوز دەڭگەيىندە مازمۇندى قوعامدىق ديالوگتى نىعايتۋى قاجەت.

سوڭعى جاڭالىقتار