الىپتار سايىسى: سپورتشىلار ءبىر قويدىڭ ەتىن تاۋىسا الا ما

استانا. KAZINFORM - دۇنيەجۇزىلىك كوشپەندىلەر ويىندارىنىڭ باعدارلاماسىنا العاش رەت ەنگىزىلگەن Powerful nomad سپورتى بويىنشا الىپتار جۇلدەگە تالاسىپ جاتىر.

جارىس ەرەجەسىنە سايكەس، ءار ەلدەن 1 سپورتشى قاتىسادى. سالماعى 90 كەلىدەن جوعارى بولۋى ءتيىس.

جارىس بەس كەزەڭ بويىنشا وتەدى:

- 100 كەلى تاستى كوتەرىپ، ونى 10 مەترگە جىلجىتۋ؛

- 100 كەلىلىك قاپپەن وتىرىپ تۇرۋ؛

- 10 كەلىلىك نايزانى وڭ نەمەسە سول قولمەن 10 مەتر قاشىقتىقتا تۇرعان نىساناعا لاقتىرۋ؛

- 130 كەلىلىك بورەنەنى يىعىنا سالىپ، وتىرىپ تۇرۋ؛

- سالماعى 200 كەلى اربانى 10 مەترگە سۇيرەۋ.

جارىس باستالماس بۇرىن سپورتشىلاردان «ءبىر قويدىڭ ەتىن جالعىز ءوزىڭىز تاۋىسا الاسىز با؟» دەپ سۇرادىق. سەبەبى، سپورتشىلاردىڭ تۇرپاتىنا قاراپ اس ءمازىرى باي بولۋ كەرەك ەكەنىن باعامدادىق.

سپورتشىلار ادام قانشا جەردەن الىپ بولسا دا ءبىر قويدىڭ ەتىن تاۋىسۋى قيىن ەكەنىن جەتكىزدى.

«ءبىر قويدىڭ ەتىن ەشكىم تاۋىسا الماس. دەنە الىپ بولعانمەن، ءوت كىشكەنتاي عوي»، - دەدى قىرعىز سپورتشىسى ۇلاربەك كۇرەسبەك ۋلى.

اۆتور
ورالحان قوجانوۆ