الەمنىڭ ماڭداي الدى ۋنيۆەرسيتەتتەرىمەن ءوزارا ءتيىمدى سەرىكتەستىكتى نىعايتۋعا مول مۇمكىندىگىمىز بار - پرەزيدەنت

استانا. KAZINFORM - الەمنىڭ ماڭداي الدى ۋنيۆەرسيتەتتەرىمەن ءوزارا ءتيىمدى سەرىكتەستىكتى نىعايتۋعا مول مۇمكىندىگىمىز بار. بۇل تۋرالى III ستراتەگيالىق سەرىكتەستەر فورۋمىندا مەملەكەت باسشىسى قاسىم- جومارت توقايەۆ ايتتى.

Совместные лаборатории и технологические проекты: Токаев о следующем этапе развития академического хаба
Фото: Акорда

- حالىق سەنىمىن ارتتىرۋعا باتىل تۇردە كىرىستىك. سوندىقتان الەمنىڭ ماڭدايالدى ۋنيۆەرسيتەتتەرىمەن ءوزارا ءتيىمدى سەرىكتەستىكتى نىعايتۋعا مول مۇمكىندىگىمىز بار. د. سەرىكبايەۆ اتىنداعى شىعىس قازاقستان تەحنيكالىق ۋنيۆەرسيتەتىنىڭ تاجىريبەسى - ورتاق مىندەتتەردى ورىنداپ، ەلەۋلى ناتيجەگە قول جەتكىزۋگە بولاتىنىنا ايقىن دالەل. 2023 -جىلى اتالعان وقۋ ورنىندا تيانجيىڭ كاسىبي ۋنيۆەرسيتەتىمەن سەرىكتەستىك نەگىزىندە ەلىمىزدەگى العاشقى لۋ بان شەبەرحاناسى اشىلدى. بۇگىندە وسىنداي شەبەرحانالار استانا مەن الماتى قالالارىندا دا جۇمىس ىستەي باستادى، - دەدى پرەزيدەنت.

Президент привел основные показатели развития Казахстана за последние семь лет
Фото: Акорда

مەملەكەت باسشىسىنىڭ اتاپ وتۋىنشە، اتالعان تابىستى تاجىريبەنى ەكونوميكامىزدىڭ يگىلىگى ءۇشىن كەڭىنەن تاراتىپ، ينجينيرينگ، تەحنولوگيا، سيفرلاندىرۋ جانە تابيعي رەسۋرستار، سونىڭ ىشىندە سيرەك جەر مەتالدارى مەن اسا ماڭىزدى مينەرالدار سالالارىنا باسا ءمان بەرگەن ءجون.

- سوندىقتان بىزگە يندۋستريالىق جانە باسقا دا سەرىكتەستەردى كەز كەلگەن قاۋىپ-قاتەردەن قورعاپ، جوبالاردىڭ تىكەلەي نارىققا شىعۋىن قامتاماسىز ەتەتىن كەشەندى قارجىلاي قولداۋ جۇيەسىن قالىپتاستىرۋ كەرەك، - دەدى قاسىم-جومارت توقايەۆ.

عىلىم مەن بىلىمدە جاتتاندىلىققا، فورماليزمگە جول بەرۋگە، سايىپ كەلگەندە، ءوزىڭدى الداۋعا بولمايدى.

- ءبىز كەيىنگى ۋاقىتتا قول جەتكىزگەن ءبىرقاتار جەتىستىگىمىزدى ماقتان تۇتامىز. ماسەلەن، 18 ۋنيۆەرسيتەتىمىز بيىلعى QS World University Rankings تىزىمىنە ەندى. سونىمەن قاتار قازاقستاننىڭ 10 جوعارى وقۋ ورنى 2027 -جىلعى Times Higher Education رەيتينگىنە قوسىلدى. 2026 -جىلعى جاھاندىق يننوۆاتسيا يندەكسىندە قازاقستان ايماق ەلدەرى اراسىندا ەڭ جوعارى كورسەتكىشپەن كوش باستاپ، ورنىقتى ءوسىم كورسەتىپ كەلەدى. الايدا جاھاندىق باسەكەلەستىك قىزعان كەزەڭدە بىزگە ارقانى كەڭگە سالۋعا بولمايدى، - دەدى قاسىم- جومارت توقايەۆ.

پرەزيدەنتتىڭ ايتۋىنشا، قازاقستان جوعارى ءبىلىمنىڭ، عىلىمنىڭ جانە حالىقارالىق اكادەميالىق ىنتىماقتاستىقتىڭ وڭىرلىك ورتالىعى رەتىندەگى پوزيتسياسىن دايەكتى تۇردە نىعايتۋدى كوزدەيدى.

- ءبىزدىڭ ستراتەگيالىق ماقساتىمىز - ەلىمىزدى ورتالىق ازياداعى اكادەميالىق حابقا اينالدىرۋ، جاھاندىق ءبىلىم نارىعىنىڭ، اسىرەسە، وزەكتى ءارى ساپالى ءبىلىم نارىعىنىڭ ءبىر بولىگى بولۋ. عىلىم مەن بىلىمدە جاتتاندىلىققا، فورماليزمگە جول بەرۋگە، سايىپ كەلگەندە، ءوزىڭدى الداۋعا بولمايدى، - دەدى مەملەكەت باسشىسى.