پاۆلودارلىق پوليتسەيلەر شەتەلدىكتى ەلدەن ماجبۇرلەپ شىعاردى
پاۆلودار. KAZINFORM - تاجىكستان ازاماتى پاۆلودارداعى قۇرىلىس نىساندارىنىڭ بىرىندە زاڭسىز جۇمىس ىستەگەن. بۇعان قوسا ونىڭ وتكەن جىلى ءىستى بولىپ، سوت تالابىن ورىنداماي كەلگەنى دە انىقتالدى.
تاجىكستان ەلىنىڭ ازاماتى 2023 -جىلدىڭ ماۋسىم ايىندا استانا قالاسىنىڭ اكىمشىلىك قۇقىق بۇزۋشىلىق جونىندەگى مامانداندىرىلعان سوتىنىڭ شەشىمى بويىنشا كىنالى دەپ تانىلعان. الايدا ول سوت شەشىمىن ورىنداماي، جالتارىپ كەلگەن
«ەلوردالىق سوتتا قازاقستان رەسپۋبليكاسىنان تىس جەرگە شىعارىپ جىبەرۋ تۋرالى شەشىم شىققان بولاتىن. الايدا اتالعان ازامات ءبىر جىل بويى سوت شەشىمىنەن جالتارىپ، ەل اۋماعىنان شىعارىپ جىبەرۋ تۋرالى سوت شەشىمىن ورىندامادى. وسى جىلدىڭ 28-مامىرىندا تۋعان جەرىنە ورالۋ تۋرالى كۋالىك الۋ ءۇشىن استاناداعى تاجىكستان ەلشىلىگىنە جۇگىنگەن. قاجەتتى راسىمدەر جۇرگىزىلگەننەن كەيىن ول شەكارا قىزمەتكەرلەرىنە بەرىلدى»، - دەپ حابارلادى پاۆلودار وبلىسى پوليتسيا دەپارتامەنتى كوشى-قون قىزمەتىنىڭ باستىعى داۋلەت ىسقاقوۆ.
شەتەلدىك ازامات تاجىكستان رەسپۋبليكاسىنا ماجبۇرلىكپەن شىعارىلدى.
ەسكە سالا كەتەيىك، الماتىدا جەزوكشەلىكپەن اينالىسقان 7 شەتەلدىك ۇستالدى.
اۆتور
مۇرات اياعان
