پاۆلودارلىق دارىگەرلەر ادام توزگىسىز دەرتتىڭ ەمىن تاپتى

 پاۆلودارلىق ايەلگە قۇنى 1,5 ميلليون تەڭگەدەن اساتىن وپەراتسيا جاسالدى، دەپ حابارلايدى قازاقپارات Pavlodarnews.kz-كە سىلتەمە جاساپ. 

شىدەرتى اۋىلىنىڭ تۇرعىنى يرينا الەحينانىڭ ۇزاق جىلدار ومىرتقاسى اۋىرىپ كەلگەن. ول وستەوحوندروز بويىنشا ەمدەلگەن. الايدا ول ادام توزگىسىز اۋىرسىنۋدان كەيىن اۋرۋحانادان كومەك سۇراعان. وعان ەكىنشى بەل ومىرتقاسىنىڭ گەمانگيوماسى دياگنوزى قويىلدى.

دارىگەرلەردىڭ ايتۋىنشا، بۇل وتانىڭ قۇنى 1,5 ميلليون تەڭگەدەن اسادى. ناۋقاسقا وتا مىندەتتى مەديتسينالىق ساقتاندىرۋ اياسىندا تەگىن جاسالعان.

- ءتورت جىل بويى مەنىڭ ارقام مەنى مازالاپ كەلدى. ماعان قاتە دياگنوزدار قويىلىپ كەلگەن ەدى. اقىرىندا ناقتى دياگنوزىم قويىلىپ، وپەراتسيانىڭ م ءا م س بويىنشا تەگىن جاسالعانىنا قۋانىشتىمىن. وتا 24-قازان كۇنى جاسالدى. قازىر ءوزىمدى جاقسى سەزىنەمىن، - دەيدى يرينا الەحينا.

اق جەلەڭدىلەر مۇنداي پاتولوگيا پاتسيەنتتەردە ءجيى كەزدەسەتىنىن ەسكە سالادى.

- ايىنا وسىنداي سەگىز وپەراتسيانى جاسايمىز. تەرىنىڭ، سۇيەكتەردىڭ، قابىرعالاردىڭ نەمەسە ومىرتقانىڭ گەمانگيومالارى وسى ناۋقاستا كەزدەسەدى. م ءا م س باعدارلاماسى بويىنشا ناۋقاسقا جوسپارلى تارتىپتە وپەراتسيا جۇرگىزىلدى. وپەراتسيا ومىرتقا گەمانگيوماسىنا سۇيەك سەمەنتىن جۇرگىزۋ، ياعني ونى جويۋ جانە قۋىستى سۇيەك سەمەنتىمەن تولتىرۋ بولدى، - دەپ ءتۇسىندىردى 1-قالالىق اۋرۋحانانىڭ نەيروحيرۋرگيا ءبولىمىنىڭ مەڭگەرۋشىسى داۋرەن سافيۋللا.

دارىگەرلەر تۇرعىلىقتى جەرى بويىنشا ەمحانالاردا جوسپارلى تەكسەرۋلەردەن جانە سكرينينگتەردەن ءوتۋ قاجەت ەكەنىن قايتالاۋدان جالىقپايدى. سونىڭ ارقاسىندا اۋرۋدى ەرتە كەزەڭدەردە انىقتاۋعا بولادى.

- مىندەتتى الەۋمەتتىك مەديتسينالىق ساقتاندىرۋ جۇيەسى بارلىق ساقتاندىرىلعان ازاماتتار ءۇشىن كىرىستەر مەن اۋدارىمداردىڭ مولشەرىنە قاراماستان ساپالى مەديتسينالىق كومەككە تەڭ قولجەتىمدىلىكتى قامتاماسىز ەتەدى. جەدەل جاعدايلار مەن حيرۋرگيالىق ارالاسۋلاردان كەيىن قالپىنا كەلتىرۋ و س م ءا م س پاكەتىندە دە قولجەتىمدى بولادى. ءار ادام مەديتسينالىق ۇيىمدى ءوزى تاڭداي الادى - جەكە نەمەسە مەملەكەتتىك، وندا ول تەكسەرىلىپ، ەمدەلەدى، - دەپ ءتۇسىندىردى «ءا م س ق» ك ە ا ق پاۆلودار وبلىسى بويىنشا فيليالىنىڭ ديرەكتورى جانگەلدى شايمبەتوۆ.

جوعارى تەحنولوگيالىق مەديتسينالىق كومەك جانە ونىڭ جەكەلەگەن تۇرلەرى م ءا م س جۇيەسىندەگى مەديتسينالىق كومەك تىزبەسىنە كىرەدى. ياعني مەديتسينالىق ساقتاندىرۋ قورىنىڭ دەرەكقورىنا ەنگىزىلگەن كلينيكالار پاتسيەنتتەرگە مەديتسينالىق قىزمەت كورسەتە الادى.

اۆتور

اسحات رايقۇل