پاۆلودارلىق بالاباقشالارعا ازىق ونىمدەرى 300 پايىز قىمباتقا جەتكىزىلىپ تۇرعان

پاۆلودار. KAZINFORM - قارجىلىق مونيتورينگ اگەنتتىگى پاۆلودار وبلىسىنىڭ مەكتەپكە دەيىنگى مەكەمەلەرىندە الەۋمەتتىك ماڭىزعا يە تاۋارلاردىڭ باعاسىن نەگىزسىز قىمباتتاتۋ فاكتىلەرىنىڭ جولىن كەستى. جۇرگىزىلگەن مونيتورينگ بارىسىندا وڭىردەگى 158 مەكتەپكە دەيىنگى مەكەمەنىڭ 108-ىنە ءبىر ج ش س نەگىزگى جەتكىزۋشى بولعانى انىقتالدى.

پاۆلودارلىق بالاباقشالارعا ازىق ونىمدەرى %300 قىمباتقا جەتكىزىلىپ تۇرعان.

- مەكتەپكە دەيىنگى مەكەمەلەرمەن (بالاباقشالارمەن) جاسالعان شارتتاردا ءوندىرۋشى زاۋىتىنان العان باعادان الەۋمەتتىك ماڭىزعا يە تاۋارلاردىڭ (ءا م ا ت) تۇپكىلىكتى تۇتىنۋشىسىنا دەيىنگى باعا ايىرماشىلىعى كەلەسىدەي بولعان: كۇنباعىس مايى — %286 ۇستەماقىمەن (453 ت گ/ل- دەن 1300 ت گ/ل دەيىن)، قاراقۇمىق جارماسى - %150 (240 ت گ/ك گ- نان 600 ت گ/ك گ دەيىن)، قانت - %93 (325 ت گ/ك گ- نان 630 ت گ/ك گ دەيىن)، تاۋىق جۇمىرتقاسى-%79 (430 ت گ/وندىقتان 770 ت گ/وندىققا دەيىن)، تۇز-%66 (60 ت گ/ك گ- نان 100 ت گ/ك گ دەيىن)، كۇرىش — %36 (490 ت گ/ك گ- نان 670 ت گ/ك گ دەيىن)، سارى ماي — %22 (2075 ت گ/ك گ- نان 2550 ت گ/ك گ دەيىن).

اگەنتتىك قابىلداعان شارالاردىڭ ناتيجەسىندە اتالعان جشس اكىمشىلىك جاۋاپكەرشىلىككە تارتىلدى.

جەتكىزۋشىمەن جاسالعان شارتتار كۇشىن جويدى. قازىرگى ۋاقىتتا مەكتەپكە دەيىنگى مەكەمەلەردە ءامات جەتكىزۋ شارتتارى قايتا قارالىپ، جاڭا كەلىسىمشارتتار جاساسۋ ماسەلەسى قارالىپ جاتىر. وسىلايشا ۇنەمدەلگەن قاراجات سوماسى 30 ميلليون تەڭگەنى قۇرادى، - دەپ حابارلادى ق ر قارجىلىق مونيتورينگ اگەنتتىگى.

ءا م ا ت تاۋارلارىنا باعا بەلگىلەۋدىڭ دەلدالدىق سحەمالارىن تەرگەۋ جونىندەگى وڭىرلىك كوميسسيالار شەڭبەرىندە اگەنتتىك بيۋدجەتتىك ۇيىمدارعا جەتكىزىلەتىن ازىق-تۇلىك باعاسىنا جۇيەلى تۇردە مونيتورينگ جۇرگىزىپ وتىر.

بۇعان دەيىن قازاقستاننىڭ ءار وڭىرىندە 1 بولمەلى پاتەردى جالعا الۋ باعاسى قانشا تۇراتىنىن ساراپتاپ كورگەن ەدىك.

اۆتور
مۇرات اياعان