پاۆلوداردا مىڭنان استام سوتتالۋشى راقىمشىلىققا ىلىگەدى

پاۆلودار. KAZINFORM - وبلىس بويىنشا 1061 ادام راقىمشىلىققا ىلىگەدى دەپ ۇيعارىلدى. ولاردىڭ 256 سى بوستاندىققا شىعۋى كەرەك.

پاۆلوداردا ق ر كونستيتۋتسياسىنىڭ 30 جىلدىعىنا وراي جاريالانعان راقىمشىلىقتى جۇزەگە اسىرۋ ماسەلەسى بويىنشا جيىن ءوتتى. وعان ءماجىلىس دەپۋتاتتارى، پوليتسيا، پروكۋراتۋرا، قىلمىستىق اتقارۋ جۇيەسى جانە باسقا دا ۆەدومستۆو وكىلدەرى قاتىستى.

- راقىمشىلىق تۋرالى زاڭ 6 اي بويى قولدانىلادى جانە الەۋمەتتىك ءالسىز توپتاعى ازاماتتاردىڭ جازاسىن جەڭىلدەتۋگە باعىتتالعان. بۇل راقىمشىلىق اۋىر قىلمىستارعا، سونىڭ ىشىندە سىبايلاس جەمقورلىق پەن ادام ءولتىرۋ فاكتىلەرىنە قولدانىلمايدى. وبلىس بويىنشا 1000 نان اسا سوتتالعان ادام راقىمشىلىققا ىلىگىپ، ولاردىڭ 256 سى بوساتىلادى، قالعاندارىنىڭ جازا مەرزىمى قىسقارادى، - دەپ حابارلادى «ازاماتتارعا ارنالعان ۇكىمەت» مەملەكەتتىك كورپوراتسياسى» وڭىرلىك فيليالىنىڭ ديرەكتورى اسىلبەك ساپاربەك ۇلى.

وبلىستىق قىلمىستىق اتقارۋ جۇيەسى دەپارتامەنتىنىڭ مالىمەتىنشە، بارلىعى 1061 ادامعا راقىمشىلىق جاساۋ شارتتارى قولدانىلادى.

ەسكە سالا كەتەيىك، بۇيرەگىن 15 ميلليون تەڭگەگە ساتپاق بولعان قاراعاندىلىق راقىمشىلىققا ىلىكتى.

اۆتور

مۇرات اياعان