پاۆلوداردا جاس پوليتسەي ءوزىن ءوزى تاپانشامەن اتقان
پاۆلودار. KAZINFORM - اۋىر جاراقاتتانعان ءتارتىپ ساقشىسى قازىرگى كۇنى اۋرۋحانانىڭ جانساقتاۋ بولىمىندە جاتىر. پوليتسيا دەپارتامەنتى اتالعان وقيعا بويىنشا تەرگەۋ شارالارىن جۇرگىزىپ جاتىر.
پاۆلودار وبلىسىنىڭ ەرتىس اۋدانىندا جاس پوليتسەي ءوزىن ءوزى تابەلدىك تاپانشامەن اۋىر جاراقاتتاعان. 2022-جىلعى تۋعان جىگىت قازىرگى ساتتە جانساقتاۋ بولىمىندە جاتىر.
وڭىرلىك پوليتسيا دەپارتامەنتىنىڭ باسپا ءسوز قىزمەتى اتالعان فاكتىنى راستادى.
«اتالعان وقيعا بويىنشا تەرگەۋ جۇرگىزىلۋدە. ءىستىڭ ءمان-جايلارى مەن سەبەپتەرى انىقتالادى. قازىرگى ۋاقىتتا پوليتسيا قىزمەتكەرى جانساقتاۋ بولىمىندە»، - دەپ حابارلادى پوليتسيا دەپارتامەنتى باستىعىنىڭ ورىنباسارى سافۋان جامپەيىسوۆ.
ەسكە سالا كەتەيىك، وسكەمەندە كۇيەۋىن بولىمشەگە اكەتپەك بولعان پوليتسەيلەردى ۇرعان ايەل 4 جىلعا سوتتالدى.
