پاۆلودار وبلىسىنداعى مەكتەپتە وقۋشىلار سمارتفوننان تەگىس باس تارتتى

استانا. KAZINFORM - پاۆلودار وبلىسىنداعى ز. اقىشيەۆ اتىنداعى جالپى ورتا ءبىلىم بەرۋ مەكتەبىندە سمارتفون پايدالانباۋ تۋرالى شەشىم شىعاردى، - دەپ حابارلايدى pavlodarnews.kz.

ءبىلىم ورداسىنىڭ باسشىسى ابىلايحان شوموكوۆتىڭ ايتۋىنشا، مەكتەپ اكىمشىلىگى اتا-انالار مەن وقۋشىلارعا وسىنداي وي تاستاپ، تاراپتار جاعىنان بىردەن قولداۋ تاپقان.

مەكتەپتەگى ءبىلىم مەن تاربيە بەرۋ پروتسەسىندە تەلەفوننىڭ وقۋشىعا زيانى، فيزيكالىق جانە الەۋمەتتىك دامۋىنا كەسىرى تۋرالى وقۋشىلارعا جەتە تۇسىندىرىلگەن. ەندى ولار ءۇزىلىس ۋاقىتىندا سمارتفونعا ءۇڭىلىپ وتىرۋدىڭ ورنىنا اسىق اتۋ، توعىزقۇمالاق، شاحمات سياقتى ويىندار ويناپ، ءبىر-بىرىمەن ارالاسادى.

«بۇل باستاما ءوز ناتيجەسىن بەرىپ جاتىر. وسىعان دەيىن وقۋشىلاردىڭ ۇزىلىستە سمارتفوندى كوپ پايدالانۋىن ءجيى بايقايتىنمىن. قازىرگى ۋاقىتتا مەكتەپتىڭ اتموسفەراسى، وقۋشىلار اراسىنداعى قارىم-قاتىناس جاساۋ مادەنيەتى جاڭا ءبىر دەڭگەيگە كوتەرىلگەنى كورىنىپ تۇر»، - دەيدى ابىلايحان شوموكوۆ.