«التىن وردا» بازارى يەلەرىنىڭ ءبىرى قاماۋعا الىندى

«التىن وردا» بازارى يەلەرىنىڭ ءبىرى دانيارا الپيەۆ ەكى ايعا قاماۋعا الىندى. بۇل تۋرالى الماتى وبلىسى قاراساي اۋداندىق سوتىنىڭ باسپا ءسوز قىزمەتى ءمالىم ەتتى، دەپ حابارلايدى Kazinform.

«سوتتا ق ك 190-بابىنىڭ 4-بولىگىنىڭ 2) تارماعىندا كوزدەلگەن (الاياقتىق، ياعني اسا ءىرى مولشەردە الداۋ جانە سەنىمدى تەرىس پايدالانۋ ارقىلى بوتەننىڭ مۇلكىن ۇرلاۋ) بويىنشا قىلمىستىق قۇقىق بۇزۋشىلىق جاسادى دەپ كۇدىكتەلگەن ا. قاتىستى „قاماۋدا ۇستاۋ» تۇرىندەگى بۇلتارتپاۋ شاراسىنا سانكسيا بەرۋ تۋرالى الماتى وبلىسى قاراساي اۋدانى پ ب تەرگەۋشىسىنىڭ ءوتىنىشى قارالدى»، - دەپ حابارلادى اۋداندىق سوتتىڭ باسپا ءسوز قىزمەتى.

پروكۋرور ا. - نىڭ مۇلىككە قارسى اۋىر قىلمىس جاسادى دەپ كۇدىكتەلگەنىن، 2019-جىلدىڭ باسىندا وسىنداي اۋىر قىلمىس ءۇشىن سوتتالعانىن، تەرگەۋ مەن سوتتان جاسىرىنىپ، ءىستى وبەكتيۆتى تەرگەۋ مەن سوتتا قاراۋعا كەدەرگى كەلتىرۋى مۇمكىن ەكەنىن كورسەتىپ، ءوتىنىشتى قاناعاتتاندىرۋدى سۇرادى.

ادۆوكاتتار ا. -نىڭ بۇعان دەيىندە جاسىرىنباعانىن جانە سوت الدىنداعى تەرگەۋ ورگاندارىنان جاسىرىنبايتىنىن، ەشقانداي ۇرلىق جاساماعانىن، اتالعان جاعداي بويىنشا ازاماتتىق-قۇقىقتىق قارىم-قاتىناس بار ەكەندىگىن كورسەتىپ، ءوتىنىشحاتتى قاناعاتتاندىرۋدان باس تارتۋدى سۇرادى.

«ماتەريالداردى زەرتتەپ، تاراپتاردىڭ دالەلدەرىن تىڭداپ، سوت ق ى ج ك- ءنىڭ 136، 147 جانە 151-باپتارىن باسشىلىققا الا وتىرىپ، تەرگەۋشىنىڭ ا. - عا قاتىستى „قاماۋدا ۇستاۋ“ تۇرىندەگى بۇلتارتپاۋ شاراسىن سانكتسيالاۋ تۋرالى ءوتىنىشىن قاناعاتتاندىردى. سوت قاۋلىسى زاڭدى كۇشىنە ەنگەن جوق»، - دەپ اتاپ ءوتتى قاراساي اۋداندىق سوتىنىڭ باسپا ءسوز قىزمەتى.