التىن، كۇمىس، مىس، مىرىش كەندەرى بار 39 ۋچاسكە اۋكسيونعا شىعارىلدى

استانا. KAZINFORM - ونەركاسىپ جانە قۇرىلىس مينيسترلىگى پايدالى قاتتى قازبالاردى ءوندىرۋ جونىندەگى وپەراتسيالار جۇرگىزۋ ءۇشىن جەر قويناۋى ۋچاسكەلەرى بويىنشا ەلەكتروندىق اۋكسيون جاريالادى.

ەلەكتروندىق اۋكتسيون 2025-جىلى 19-قىركۇيەك كۇنى ساعات 11:00 دە e-qazyna.kz مەملەكەتتىك مۇلىك ءتىزىلىمىنىڭ ۆەب-پورتالى ارقىلى وتكىزىلەدى. اۋكسيونعا قاتىسۋ قۇقىعى ءۇشىن جارنانىڭ مولشەرى 100 (ءجۇز) ا ە ك قۇرايدى. قاتىسۋ قۇقىعى ءۇشىن جارنانى ءوتىنىش بەرۋشى e-qazyna.kz ۆەب-پورتالداعى ەلەكتروندىق ءاميانعا ەنگىزەدى. كەپىلدىك جارنانىڭ مولشەرى قول قويۋ بونۋسىنىڭ باستاپقى مولشەرىنىڭ بەس ەسەلەنگەن مولشەرىنە تەڭ.

جالپى اۋكتسيونعا 39 جەر قويناۋى ۋچاسكەسى شىعارىلىپ وتىر. ولاردان التىن، اسبەست، مارگانەتس، تەمىر، قورعاسىن، مىرىش، كۇمىس، پوليمەتال كەندەرى، التىن سۋلفيدى، نيكەل، كوبالت، كومىر، كۆارتس، مىس، قورعاسىن، باريت، بور، روديۋست-اسبەست وندىرىلەدى.

بۇعان دەيىن ەلىمىزدە كۇمىس، كومىر جانە سيرەك كەزدەسەتىن مەتالداردىڭ 50 كەن ورنى بويىنشا ەلەكتروندىق اۋكسيون ۇيىمداستىرىلاتىنىن جازعان ەدىك.