التىن باعاسى تاعى دا رەكورد جاڭارتتى

استانا. قازاقپارات - Comex تاۋار بيرجاسىندا التىن فيۋچەرستەرىنىڭ باعاسى ءبىر ۋنسيا ءۇشىن 4050 دوللاردان استى.

استانا ۋاقىتىمەن ساعات 10:05-تە باعالى مەتالدىڭ ترويا ۋنتسياسى $4051,80 (%0,36+) دەڭگەيىندە ساۋدالاندى. ساعات 10:15-تە باعا ءبىر ۋنسيا ءۇشىن 4052,70 دوللارعا جەتتى (%0,38+).

ۆۆس مالىمەتىنشە، التىننىڭ باعاسى 2025 -جىلدىڭ باسىنان بەرى %50 دان استام قىمباتتادى، قۇيما التىن سوڭعى ەكى ايدان از ۋاقىت ىشىندە %20 دان استام قىمباتتادى.

ساراپشىلاردىڭ تۇسىندىرۋىنشە، مۇنداي قارقىندى وسىمگە ينۆەستورلاردىڭ ينفلياتسيا مەن قارىز دەڭگەيىنىڭ وسۋىنە الاڭداۋشىلىق ءبىلدىرىپ، باعالى مەتالعا اقشا سالىپ جاتقانى، ال ورتالىق بانكتەر اكتيۆتەردى ءارتاراپتاندىرۋ ءۇشىن ساتىپ الۋى سەبەپ بولىپ وتىر.

ەسكە سالساق، 6-قازاندا التىننىڭ باعاسى بۇعان دەيىن بولماعان جوعارى دەڭگەيگە جەتتى.

Comex تاۋار بيرجاسىندا التىن فيۋچەرستەرىنىڭ باعاسى ءبىر ۋنتسيا ءۇشىن 3900 دوللاردان استى.