التى وڭىردە «قانداس» مارتەبەسىن بەرۋ قىزمەتى سيفرلىق جۇيەگە كوشتى
استانا. KAZINFORM - ەلىمىزدىڭ 6 وڭىرىندە «قانداس» مارتەبەسىن بەرۋ جانە «اتا جولى» كارتاسىن رەسىمدەۋ قىزمەتتەرى پيلوتتىق رەجيمدە ىسكە قوسىلدى. بۇل تۋرالى 24kz سايتى جازدى.
FSM Social موبيلدىك قوسىمشاسى ارقىلى قونىس اۋدارۋشىلار مەن قانداستاردى جەرگىلىكتى قوعامداستىققا بەيىمدەۋ جانە ينتەگراتسيالاۋ قىزمەتتەرى كەڭەيتىلدى. بۇل جۇيە 25 قىزمەت ءتۇرىن قامتيدى جانە ولاردىڭ ناتيجەسىن وتباسىنىڭ سيفرلىق كارتاسى ارقىلى باقىلاۋعا بولادى. 12 مىڭعا جۋىق قانداس پەن قونىس اۋدارۋشىلار وسى قىزمەتتەردى پايدالانىپ ۇلگەردى.
سونداي-اق شەتەلدىك ماماندار ءۇشىن سۇرانىسقا يە كاسىپتەردىڭ تىزبەسى كەڭەيتىلدى، تالىمگەرلىكتى ۇيىمداستىرۋ قاعيدالارى مەن جۇمىس بەرۋشىلەر ءۇشىن تالاپتار بەكىتىلدى.
ەسكە سالا كەتەيىك، بۇعان دەيىن بيىل قانشا ەتنيكالىق قازاق قانداس مارتەبەسىن العانىن جازعان بولاتىنبىز.
