التى ادامدى الداپ، ءىرى زالال كەلتىرگەن قازاقستاندىق كۇدىكتى دۋبايدا ۇستالدى
استانا. KAZINFORM - قازاقستان ازاماتى بىرىككەن اراب امىرلىكتەرىنەن الاياقتىق جاساعانى ءۇشىن قازاقستانعا ەكستراديتسيالاندى، دەپ حابارلايدى باس پروكۋراتۋرانىڭ باسپا ءسوز قىزمەتى.
كۇدىكتى 2022-2023 -جىلدارى الماتى قالاسىندا Wildberries كومپانياسىنا ينۆەستيتسيا سالۋدى سىلتاۋ ەتىپ، التى ازاماتتان اقشا العان. سودان سوڭ ۋادە ەتىلگەن سىياقىنى بەرمەي، ولاردىڭ قاراجاتىن يەمدەنگەن. بۇل ارەكەتتەردەن جابىرلەنۋشىلەر ءىرى ماتەريالدىق زالال شەككەن.
- قىلمىستاردى جاساعاننان كەيىن كۇدىكتى جاسىرىنعان جانە ەكى جىل بويى حالىقارالىق ىزدەۋدە بولعان. بيىل ساۋىردە ول بىرىككەن اراب امىرلىكتەرىنىڭ اۋماعىندا ۇستالىپ، قازاقستان رەسپۋبليكاسىنىڭ باس پروكۋراتۋراسى مەن ىشكى ىستەر مينيسترلىگىنىڭ ينتەرپول قىزمەتكەرلەرى، سونداي-اق قازاقستان ەلشىلىگىنىڭ كومەگىمەن ەلگە جەتكىزىلدى، - دەلىنگەن اقپاراتتا.
قازىرگى ۋاقىتتا كۇدىكتى تەرگەۋ يزولياتورىنا قامالدى. ايىپتالعان قىلمىستارى ءۇشىن مۇلكى تاركىلەنە وتىرىپ، 3 جىلدان 7 جىلعا دەيىن باس بوستاندىعىنان ايىرۋ جازاسى كوزدەلگەن.
ايتا كەتەيىك، شىمكەنتتە 200 دەن اسا ادامدى الداعان قارجى پيراميداسىنىڭ جۇمىسى توقتاتىلدى.
